Shillong, Feb 19: Ride Shillong electric-bike initiative-ko ra·baaniara “chi donggijao dolongko rika gitasa ong·aia” ine opposition-oni VPP-ni MLA Adelbert Nongrum matnanganirangko dakani ja·mano Bristibar salo a·dokni skotong minister Conrad K Sangma ia ja·kuko de·ani namgnirangni bidingo parakate on·angaha.
“Urban affairs-ni aro sorkarini dakna miksonganiara traffic-ko namdapatna aro samtangtangko nisigijagipa cholrangko ra·bae, iandakgipa cholrangchi re·a-doanirangko dakna ine ong·a,” ine Sangma Assembly-o aganaha.
“Uni chanchiani bewalrangni (memberni gisiko) a·sel gital cholrangko ra·baaniko champengenga. Sorkari ong·e aro songsar ong·e, an·ching jotton ka·na, gital cholrangko ra·bana aro ramarangko sandina nanga.”
“Sorkarini tangkako gong·saba jakkaljaha ine anga talen aganaha; chinga cycle salaniko aro rama re·aniko batatna nangnikani gimin ian German agency ge·sani on·gipa grant ong·a. Ia dakbewalrangko ranta ka·on, sorokrango garirangni changketani komianggen,” ine ua talatangaha.
Uandake, sak 1,600 manderang cycle-rangko jakkalman·aha aro New Shillong ramarango cycle-ni ramarang donggen ine ua agandapangaha. “Member-ni janapanirangko chinga knachaka, indiba sorkarini kam ka·anirangko nie uni kosako matnanganirangko dakaniko dingtangatna nanga. Na·a neng·nikanirangko nikgenchimode, uarangko namatani cholkoba janapbo – anga uarangko dakna kusi ong·gen,” ine skotong minister agandapangaha.
Adita salrangna skang, ia project-na sorkarini on·gimin tangkarang dongja aro bol 20 electric cycle-rangko Sustainable Urban Mobility – Air Quality, Climate Action and Accessibility (SUM-ACA) initiative-ni ning·o para ra·aha, aro uko Germany-ni GIZ-ni dakchakanichi a·bachengataha ine Deputy Chief Minister in-charge Urban Affairs Minister Sniawbhalang Dhar aganangaha. Iano jako ra·e kam ka·enggipa contractor-ara Ranchi, Jharkhand-oni Chartered Bike Pvt Ltd ong·a.
Da·o dipet Shillong-ni sorokrango dingtangmancha cycle ramarang dongkuja indiba gital Shillong songjinmani sorokrangode donggen ine Dhar aganangaha.
“Chinga PWD baksa agangrikaha; cycle ramarangko New Shillong-ni pilak ramarangon tariaha”, ine ua janapangaha.
CM-ni cycle salaniko a·bachengatgipa dingtangmancha cycle ramako jakkalahama, ma sorokko jakkalahama ine Nongrum-ni sing·on, ia cycle salaniko a·bachengatani somoio dingtangmancha sorok dongja, aro pilak salgiparangan traffic-ni niamrangko ja·rikna nangaha ine Dhar aganchakaha.
Uandake, project-ko dal·dapatani gimin sing·on, ia janapaniko ra·chakenga ine Dhar aganangaha.
Na·simang iakoba nina man·gen:
Na·simang iakoba poraina man·gen: Byrnihat-o skul bus a•sel ong•e bi•sa saksni saknaa man•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
