Guwahati, Aug 15: Assam a·dokni Skotong Minister Himanta Biswa Sarma, chang 79-gipa jakgitelani salko manianio jinmana aganprakatengon, a·dokona niamgri napsrukbagiparangara jolo songdongkamgipa manderangna namen kenbegnigipa ong·a ine aganangaha. Assam-ni a·arang aro jatni dakbewal rikbewalrangko naljoke rakkina gita ian a·dokni dal·batgipa ra·biani ong·a ine sakantikon ua apsan kam ka·rimchina didiataha. Iani gisepon ua a·arangko mande u·igijagipa mandena ba napsrukbagiparangna skatang paljachina u·iatengon, maming ja·ku de·anirangko da·o dakja ong·ode Kamakhya mondir nokrangkoba mikkangchi ra·sekdranaba donga ineba ua janapangkuaha.
A·doko songdongkamgipa manderangni chong·mot ong·aniko naljoke rakkina sorkari niamgri songdong a·chaenggipa manderangko a·rikgalataha ine Sarma u·iataha. Assam-o namroro silroroaniko ra·bana dakchakaniko on·ahanina ua Prime Minister Narendra Modi-ko de·mitelangengon, Noonmati-Dighalipukhuri flyover-ko 1206 bilsio Bakhtiyar Khilji-ko amatanina mingsing minggamako man·gipa Kamrupa-ni raja Maharaj Prithu-ni bimungo minganggnok ineba ua parakataha.
Ua Assam-ni jakgitelani baksana jatni dakbewal rikbewalrangko ripinge rakkiani, 1228 bilsio uni janggitangko on·kangani baksana Prithu-ko gisik ra·e mande ra·ani bak gita bilsiantian Mahavijay Diwas manianikoba ua gisik ra·atpilaniko dakangaha. Una agreba, Sarma dingtang dingtang a·dokni matgrikrang jekai Mahabir Lachit Borphukan-ko gisik ra·e mande ra·ani maniani, Charaideo-ko UNESCO-ni ra·chakani baksana Assamese aro Bangla ku·sikko a·songni ku·aganani ine ra·chakaniko man·ani bidingoba ua janapangaha.
Na·simang iakoba nina man·gen:
Na·simang iakoba poraina man·gen: Khasi, Jaintia aro Garorangni ‘Agan-me·apako’ ra·dime CM aganpraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
