New Delhi, Nov 16: Pa Nitish Kumar, brigipa term-na joljol da·al Sombar salo Bihar a·dokni skotong minister ong·e Patna, Raj Bhawan-o ku·mikchetangaha.
Uko ku·mikchetatani somoio, Union Home minister Pa Amit Shah aro BJP dolni skotong dilgipa Pa Jagat Prakash Nadda-maangba dongpatokaha. Indake ong·engon, RJD aro Congress dol uni ku·mikchetani salo bakko ra·angtokjaha.
A·doko gital sorkariko rikchakatna gita bil gnanganiko mesoke a·kangani salsa ja·man, a·dokni Governor Pa Phagu Chauhan-chi, Pa Kumar aro gipin ministerrangna ku·mikchetataniko dakdilaha. Apsandake, BJP-ni dilgipa sakgni – Tarkishore Prasad aro Renu Devi-maangba Bihar-ni dakchakgipa skotong ministerrang ong·e ku·mikchettokaha.
Bilsi 69 ga·dapgipa Pa Kumar, batanggimin 2005 bilsini November jaoni intalan joljol sasonni bilko jako ra·bana gita cholrangko man·aha. 2014-15 bilsi jolo sakgipin minister Pa Jitan Ram Manjhi-ni biapko ra·mitingosan ua dikdiksa neng·takaiaha.
Apsan salon, JDU-ni dilgiparang – Pa Vijay Kumar Choudhary, Pa Vijendra Prasad Yadav, Pa Ashok Choudhary aro Pa Mewa Lal Choudhary-maang gimikan Cabinet Minister-rang ong·e ku·mikchetangtokaha.
Hindustani Awam Morcha (HAM)ni skotong dilgipa Pa Jitan Ram Manjhi-ni depante, Santosh Kumar Suman aro Vikassheel Insaan Party (VIP)ni Mukesh Sahni-maangba ku·mikchettokaha. Indake, BJP doloni Mangal Pandey aro Amarendra Pratap Singh-maangba Bihar Cabinet Minister-rang ong·e da·alan ku·mikchetangaha.
Congratulations to Sh. @NitishKumar ji on being sworn in as the Chief Minister of #Bihar for the fourth consecutive term. Wishing you and your Cabinet Ministers a fruitful tenure.
— Conrad Sangma (@SangmaConrad) November 16, 2020
