Shillong, Sept 17: Adita salrangna skang Shillong-ni Nongrah Nonglum Brei-oni bilsi 4-ni me·chik bi·sani siani bidingo jak donga ine matnangenba bilsi 13-ni me·a bi·sako Juvenile Justice Board-o (JJB) mikkangpa·ataha.
East Khasi Hills a·jani Superintendent of Police Vivek Syiem-ni aganani gitade, ua me·a bi·sa sianggipa me·chik bi·sani noksul ong·achim aro uamangni nokona re·barongachim, indake me·chik bi·sako sepango donggipa nok rikenggipa biapona uko rimangaha ine ku·chakaha. Ua apsan biaponikon September 15 tariko me·chik bi·sani manggisiko man·aha.
Bilsi 4 ong·ipa Insaphira Lyngdoh Mawnai September 14 tariko pring 8 bajimango noktangoni gimaaha.
SP (City) Herbert Kharkongor-ni dilanichi Special Investigation Team (SIT) ia obostani bidingo sandianirangko dakaha aro me·a bi·sa ua me·chik bi·sako nok rikgipa biapona rimangaha, jeon ua ga·soltape ga·ake me·chik bi·sako rim·chapangaha, indake ua chi ringpeke siaha ine parakataha.
Uandake, post mortem report-o siani a·selara chi ringpekani ong·a aro mata-bu·ani ba til·ekdraani mamung chin dongja ine parakataha.
SIT-ni sing·doanirangko dakon, me·a bi·sa ua me·chik bi·sako uni sichakgipa biapona rimangaha aro gisim Scorpio gari aro mask gangipa manderangni tol·e golpo aganaha ine parakaha.
“Mijal salni bako me·a bi·sako juvenile home-ona watataha. Da·alo uni be·enko chu·gimik porikka ra·anirangko dakaha, Uko Juvenile Justice Board-ona watataha,” ine Syiem Budbar salo kobor ra·timgiparangna aganaha.
“Post mortem-ko da·asalni bako man·soaha aro siani a·selara chi ringpekanichi ong·aha ine u·ina man·aha, Be·eno mamung mata-bu·ani chin dongja, drae til·ekanirang dongja aro siani konta 24-36ni gisepon post-mortemko dakaha, uandake me·chik bi·sa ua biapon siaha ine u·ina man·aha,” ine ua agandapaha.
“Ia obostani bidingo am·sandianiangko dakna SIT sal-90na somoirangko man·enga. Ia me·a bi·saan me·chik bi·sako uni sigipa biapona rimangaha ine chinga parakatna man·aha. Ia obsostao ra·seke ba cha·ue ra·ani dongja ine u·ina man·a maina me·chik bi·sani gangipa sonarang dongkuenga. Drae til·ekaniba dongja aro be·eno mamung mata-buani dongja. Post mortem report-oba chi ringpekani a·sel siaha ine u·ina man·aha,” ine agane ua aganangaha. Indake uamang ia me·asa bi·sani maiba miksongani dongama dongja aro ian rang·gitik a·sel ong·ana agreba gipin obostarang dongama dongja sandianirangko dakangkuen ineba Syiem aganangaha.
Na·simang iakoba nina man·gen:
Na·simang iakoba poraina man·gen: Manda Mahari 4-0-chi Cheran Mahari-ko amatenba semi final-ona doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
