Shillong, Dec 11: Bristibar salo, Meghalaya a•dokni Chief Minister Conrad K Sangma, Ri Bhoi a•jani Pahamsyiem-o Eklavya Model Residential School (EMRS)-ni Academic Session-ko a•bachengate on•angaha aro Chinchona-o Synthetic Athletic Track-ko tarina gita pangchakanikoba songe on•angjolaha.
Ia program-ko ong•atanio, a•dokni Education Minister Lahkmen Rymbui, Sports & Youth Affairs Minister Wailadmikim Shylla, C&RD Minister Sosthenes Sohtun, Nongpoh-ni MLA Mayralborn Syiem aro dingtang dingtang official-rangba dongpae bak ra•angaha.
Ia tom•anio a•dokni Chief Minister, jinmana aganprakengon, Ri Bhoi a•jani Pahamsyiem-o skanggipa EMRS-ni academic session-ko a•bachengate on•na man•ahani gimin an•tangni kusi ong•aniko parakangenba, ia skulko kulina gita dakchakanirangko on•ahani gimin Tribal Affairs Ministry, a•songni Prime Minister, aro Tribal Affairs Minister-ko mittelpilangaha.
Lekka porade skie on•ani, ki•taprang ba porikkarangkosan miksonga ong•ja ine talataniko on•angengon, ian namgipa songsalko ong•atna a•dokko rikani, namgipa gunrangko tariani aro an•tangtangni gisepo nama kamrangko ong•atanikosa miksonga ine Chief Minister aganaha.
EMRS program-ni gimin janapangengon, ia skulo poraina gita sak 2000-mang ong•na sipile chatro chatrirang dorgastoko galaha indiba bang•gijasan seokako man•aiaha ine ia cholko gamchatnike ra•china aro gisik nange poraichina gita Sangma, chatro chatrirangko didiangaha.
Synthetic Athletic Track-ko tarina sienggipani bidingo janapangskaengon, ia sorkari, a•dokni pilak biaprangon, pilak jatrangnan apsan namroro silroroaniko ra•bana kam ka•enga ine Chief Minister ku•rachakangaha.
Batanggimin bilsi gittamni gisepo Meghalaya a•doko GDP-ni dal•roroani bilsio 10 percent ong•e da•o India a•songo ta•rakbatsrange economy-ni dal•roroanio gnigipa a•dok ong•enga ineba Chief Minister parakataha.
Chatro chatrirangni bi•a gita ia skulna doka dam•ani aro bagan bari dakani bosturangko on•na gitaba Chief Minister ku•rachakangaha.
Ia tom•anio a•dokni Education Minister Lahkmen Rymbui-ba jinmana aganprakangengon, a•doko lekka porako namdapatna gita sorkarini on•kange kamrangko ka•engani gimin janapangaha.
Ia program-ko ong•atanio a•dokni Chief Minister, MSRLS-ni ning•o District Rural Development Agency (DRDA)-ni jako ra•enggipa Aajeevika Grameen Express Yojana (AGEY)-ni gari bolbrikoba a•bachengate on•angjolaha.
Na·simang iakoba nina man·gen:
Na·simang iakoba poraina man·gen: Assam-ni sak 21 kam ka·e cha·giparangko salangenggipa dumper truck Arunachal-ni dare-ona ga·akonanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
