Shillong, Dec 9: A·doko sanna-banani cholrangko bilakbatatna miksonge, Meghalaya cabinet an·seng-baljokani bidingo minggni niamrang – chong·motan Meghalaya Pharmacists Service Rules aro Meghalaya Mental Health Care Rules-ko ra·gataha.
“Ia niamrangko Meghalaya Pharmacists Service Rules-na (jekon a·doko pharmacist-rangko kamo rakkina aro kam ka·na baseanio jakkalgen) tariaha. Meghalaya-ni Pharmacist-rangna an·chingo service rule-rang dongjachim, uni gimin cabinet da·asalni bako ua niamrangko ra·chakaha,” ine Mongolbar salo tom·e chanchirimanirangko dakdilangani ja·mano a·dokni skotong minister Conrad K Sangma kobor ra·timgiparangna parakataha.
Unbasaka, Meghalaya Mental Health Care Rules-koba cabinet ra·chakaha, jean a·doko donggipa mental healthcare institution-rang ba gisikni sabisirangko sanchakram biaprango kamrangko ka·anirango dakna nanggnirangko mesokgen.
“Ia niamrang namen gamchata maina an·chingo dingtang dingtang an·seng-baljokna sanna-banani aro pekgipa bosturangko ba gisikni sabisirangko sanchakram biaprang donga aro an·chingni a·doko iandakgipa sanchakram biaprangko chalaina mamung niamrang dongjani gimin, da·alo chinga ua niamrangko ra·chakaha,” ine Sangma aganangaha.
“A·doko donggipa pilak sanchakram biaprangko namedake chalaina aro niamko rakkina chinga iarangko ra·gataha, ian chingni mongsonggipa miksongani ong·a,” ine ua agandapaha.
Na·simang iakoba nina man·gen:
Na·simang iakoba poraina man·gen: Adhoc aro SSA-ni skigiparangna kragipa dormaha-rangko on·a tariani kamrangko ta·raken matchotatgen : M’laya CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
