Imphal, Sept 12: Manipur a·dokni Chief Secretary Puneet Kumar Goel, re·baenggipa September jani 13 tariko Prime Minister Narendra Modi-ni re·baaniara a·doko tom·tomani, apsan daktaipilani aro namroro silroroaniko ra·bana dakchakgen ine Sukrobar salo aganangaha.
Act East Policy-ni ning·o Manipur a·dokara South East Asia-ona napangna gita India-ni gateway ba cholguga gita ong·a ine aganengon, chong·mot tom·tomaniara ka·dongani, apsan ku·mong nangrime dongani aro namgrikatanisa ong·a ine ua janapataha.
Modi, skanggipa Churachandpur-ona re·ange internally displaced persons (IDPs) ba noktang kamrangko wate katchina draatako man·gipa manderangko salni 12:15 bajio grongenba, gital project-rangna pangchakanikoba songe on·anggen. Indake jamano ua Imphal-ni Kangle minggipa biapo kror 8,500-ni project-rang chong·motan kror 7,300 mangni gital project-rangko a·bachengate aro kror 1,200 mangni matchotgimin project-rangko nokdonggae on·angan baksana jinmana aganprakanikoba dakanggen.
Ia project-rangko ra·baaniara, Prime Minister-ni Manipur a·dokni namgnina on·kange kamko ka·aniko mesoka ine aganengon, a·doko songdonggipa pilak manderangkon uko rimchaksoanio re·bae bakrimepachinaba Goel didiataha.
Na·simang iakoba nina man·gen:
Na·simang iakoba poraina man·gen: Limison D. Sangma-ko Meghalaya Legislative Assembly-ni Deputy Speaker-na seoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
