Guwahati, Sept 6: May 2023-o a•dokona kajia-golmal ong•ani somoio re•baoni, Prime Minister Narendra Modi changsatai Manipur-ona September 13 tariko re•bana manchienga aro iana a•dok chu•gimik tarisamsoanirangko dakengaha. Uandake Prime Minister damgni mongsonggipa tom•bimonganirango bak ra•nasienga – Churachandpur-ni Peace Ground-o, aro damgipinara Imphal-ni mingsinggipa Kangla Fort-ni ning•ao ong•gen.
Official-rangni aganani gitade, Modi Mizoram-ni Bairabi-Sairang railway line-ko oprake on•ani ja•mano sildoreng-gita Churachandpur-ona re•bagen. Peace Ground-o dal•begipa sokachakani biapko aro sak 9,000-na ong•nasipile manderangna asongchakanirangko tarisoenga. District administration ua jolo drone-rangko jakkalna man•jawa ine parakataha aro dingtang dingtang biaprango sipairangko dongtimatengaha. A•jani Civil society organization-rangba Prike Minister-ni jako memorandum-rangko on•na manchisoenga.
Churachandpur-o tom•anio bak ra•e internally displaced persons (IDPs) baksa agangrikanirangko dakani ja•mano, Prime Minister Imphal-ona re•ange Kangla Fort-o sak 15,000 ong•nasipile manderangna agananirangko dakgen.
Imphal-o ga•subee tarisamsoanirangko dakengaha. Kangla Fort-ni ning•ao dal•begipa triangular stage-ko tarina sak-200na baten manderangko rakkiaha, aro uamangoni bang•aan a•dokni a•paloniko rimbagiparang ong•a. Stage-ni sepango donggopa helipad-koba taridapaha aro Kangla Sha area-oba darangkoba napna on•jaengaha. Salgimik walgimim security check-rangko dakengaha aro napani ramarango metal detector-rang donaha aro napgiparangko namedake chelanirangko dakengaha.
Imphal-o bang•a nitoatani kamrangko ka•engaha. Sorokrangko rong nongdapengaha, aro Imphal International Airport-oni Kangla Fort-ona dakanggipa ramarangoniko samsirangko o•rokanirangko dakengaha. Airport ning•ao, pakmarangko rong nongdapengaha aro namdapatanirangko dake Prime Ministerko rimchaksona tarisoengaha.
Security-ko bang•bate dakna nangengani gimin, Imphal International Airport-o songregiparangko somoina skang re•bae dongchina u•iataniko on•ataha. Airport jolrango securityko bilakbatataha, uandaken adita biaprango police-rangko dongdapatenga aro banoba banoba jinmarangko napna on•jaengaha.
Koborrangko man•soani gitade, Modi-ni re•baanichi a•dokna adita mongsonggipa u•iatanirangko dakgen. A•doko donggipa jatrangni gisepo kajia-golmalrang ong•ani ja•mano, bang•a manderangnan Manipur-o dongenggipa neng•nikanirangni gimin aganna gitaba ian chol ong•gen ine ka•dongsoenga.
Na·simang iakoba nina man·gen:
Na·simang iakoba poraina man·gen: M’laya-ni Dr. Heipor Uni Bang, 2025 bilsini National Teachers’ Award-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
