Williamnagar, September 25: East Garo Hills a·jao game ge·e cha·enggipa manderangna dakchakanirangko on·na gita Sombar salo, bol 5 PRIME Agriculture Response Vehicle-rangko Meghalaya a·dokni PHE Minister Marcuise N. Marak, Williamnagar-ni Agriculture Office-o dolbongana sualataha aro ia program-o East Garo Hills a·jani Deputy Commissioner, Vibhor Agrarwal, District Agriculture Officer, gipin department-ni officer-rang aro Williamnagar jolo bading chiwalanio niksenggipa manderangba dongpae bak ra•angaha.
Tom•anio mongsonggipa sokgipa ong•e jinmana aganangengon, gari man·anggipa dolrangko garirangko name jakkalchina didiangenba, gariko songni nokni namgnina jakkalchina gita Marak ku·pattiangaha. Ia tom•anio ua, a·dokni Skotong Minister Conrad Sangma-ni a·bachengatgipa CM Elevate Program-ni giminba jinmana talataniko on·e, bading chiwalanirango gisik nanggipa chadamberangna maikai sorkari dakchakna miksongengachim uarangni gimin aganangaha.
Ia program-o Nengmandalgre Women’s Multipurpose Cooperative Society, Chikalgre FPO, Millawe Songma IVCS, Bonegre FPO aro Darugre Chikama FPO dolrangna Marcuise N. Marak-ni jakchi garini chabi aro lekkarangko su•ale on•angenba, nisanko badale garirangko watataha.
Indake ia garirangko man·anggipa dolrangba an·tangtangni kusi ong•aniko parake, Meghalaya sorkari aro Agriculture Department-ko mittelpilangaha.
Iakoba poraie nina man·gen: ACWO, Shillong gitalgipa dilgiparangko seoka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
