Guwahati, Feb 20: Priyanka Gandhi Vadra, 2026 Assembly Election-na wenani bak gita, Assam a·dokona wenbaaha aro ia wenbaaniko Skotong Minister Himanta Biswa Sarma-ni matnangatanina, Assam a·doko ‘Negative Politics’ kal·a agrea ine aganan baksa, Zubeen Garg sagiko mande ra·e gisik ra·anganiko Guwahati-ni Rajiv Bhavan-o dakangaha.
Zubeen Garg sagini nokoni re·bapilani ja·man, uni re·anganiara gisiko skani giminsa ong·a aro ian maming dakeba Politics-o bak nangeja ine Priyanka Gandhi aganaha.
Zubeen Garg sagini siani gimin ka·tongo sa·dikanirangko a·dok ning·osan ong·aigija a·dokni a·palo donggiparangba ka·tongo sa·dikanirangko man·aha. Ua Assam a·dokni ku·rang ong·achim aro uan a·doko ku·mong nangrimaniko, ka·saaniko aro jatni dakbewalrangko mesokgipaba ong·achim. Uni mandeska baksa nangrimania politics ong·ja ine Priyanka aganaha.
Skotong Minister Himanta Biswa Sarma-ni matnangatanirangna aganchakaniko on·engon, iandake matnanganirang gital kattarang ong·ja aro iani bidingo manderangba ma·sienba dal·e ra·jaha ine aganenba, iandakgipa kattarangko agane an·tangni Politics-ni a·bao man·gniko rikna jotton ka·na nangja ine aganaha.
Congress President Gaurav Gogoi aro uni nokdangni manderangni kosako matnanganirangna aganchakaniko on·skaengon, iandake nokdangni manderangni kosako matnanganirangko jakkalna nangja maina ian nama ong·ja ineba ua aganaha.
Iandake uamangni nokdangni manderangni kosako matnanganirangara an·tangni kenanikosa mesokenga, maina kakketgipa dilgipa an·tangni bilko ong·gijana jakkalsretgija ku·mong nangrimaniko aro dingtanganiko ra·baani giminsa aganronga ineba Priyanka Gandhi janapataha.
Unbaksana, Sultanpur-ni Court-ona Rahul Gandhi-ni re·angna nangani bidingo janapatskaengon Priyanka, kakketgijagipa Case-ko ka·ani, ED aro kajina gilanirangko tol·e on·dape court-rangona sokatpilanichi kakket dakgipa mandeko champengna jotton ka·rongenga ine aganan baksa, uamangni party Assam a·dokni jatni dakbewalrangko, songdongenggipa manderangko aro ku·mong nangrimaniko ripingna chadengenga ineba aganaha.
Na·simang iakoba nina man·gen:
Na·simang iakoba poraina man·gen: CSIR-North East Institute of Science and Technology-ni Chemical Warehouse-ko wa·al kama
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
