Boko, Oct3: Rabha Hasong Sixth Schedule Demand Committee (RHS SDC),chang 7-gipa Tri-Annual Conference-ko Kamrup a·jani Boko-Chaygaon constituency-ni ning·o ga·akgipa Satpara songo re·baenggipa December 29 aro 30 tariko ong·atanggen, jeon uamang 2026 bilsini Assam Assembly election-o uamangni dakgni kamrangni bidingo tik ka·anggen.
Sukrobar salo ia tom·bimonganina tarisamsoaniko “Laikhuta Sthapon” ingipa manianichi Satpara-ni jinma kal·chakram biapo a·bachengataha. Ia manianiko RHS SDC, All Rabha Students’ Union (ARSU), Rabha Mahila Parishad aro iano bak nangpagipa dingtang dingtang dolrang apsan nangrime ong·atangaha, jeon Rabha Hasong Autonomous District Council-ni Chief Executive Member Sonaram Rabha, nisanko songdoe on·angaha.
Ia manianiko ong·atanio, ARSU-ni President Motilal Rabha, ia conference-ko chu·sokgipa ong·atna pilak jatrangni ku·mongpaaniko didiatengon, Rabha Hasong Autonomous District Council-ko Sixth Schedule-o napatna Skotong Minister Himanta Biswa Sarma-ni mikkango raken dabianiko dakanggen ineba u·iatangaha. Bebe gita dabianirangko chu·sokatja ong·ode, mikkangchi mai ja·ku de·anirangko dakanggenchim uni giminba iano tom·e chanchirimaniko dakanggen ine ua janapataha.
RHS SDC-ni President Dashanan Rabha, 2003 bilsio ia committee-ko a·bachengata intaloni Sixth Schedule-o chapatchina dabibaenganiko ua gisik ra·atpiltaiaha. Iani gisepon, uamangni dabianirangko chu·sokatja ong·ode, uamangni organisation re·baenggipa 2026 bilsini election-o gipin ja·ku de·aniko dakangskagen ineba ua mikrakataniko on·ataha.
Rabha Hasong Autonomous Council-ni Executive Member-rang jekai Arjun Chetry, Ramakanta Rabha, Aditya Rabha baksana ARSU-ni Working President Pradip Rabha, jolni dilgiparang aro songni manderangba ia manianio dongpae bak ra·angpaaha.
Na·simang iakoba nina man·gen:
Na·simang iakoba poraina man·gen: Shillong Engineering College-ni academic session-ko CM a•bachengate on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
