Shillong, Jan 3: Meghalaya-ni mingsinggipa Artist Raphael Warjri, janggi tanga gimik uni noksa salanina, ro·ongoniko bimang tariani aro jatko ra·doani kamrango an·tangko on·kange kamko ka·ahanina Pranab Baruah Artist Award-ko man·aha. Ia award-koara Pranab Baruah-ko gisik ra·ani gita bilsiantin February jani 22 tariko on·rongbaenga. Pranab Baruah Kalakshetra-ni Principal, Sulakshana Baruah Bhuyan ia parakataniko dakataha, jean Warjri-ni changa sapani aro jatni dakbewal rikbewalrangko ra·doanio on·kange kamko ka·ahanina rasongko on·e aganangaha.
Ia award-o certificate kingsa baksana memento ge·sa aro tangka gong 25,000-ko man·chapa.
Raphael Warjri, 1961 bilsini March 14 tariko, Shillong songjinmao atchian baksana bilsi 40-na baten sol·a repani aro noksa salani kamko ka·baenga. Ua 1991 bilsio Riti Academy of Visuals Arts-ko a·bachengatenba, jamano M A D Gallery-ko a·bachengate on·angskaaha. Una agreba, ua Dhaka-o Art Camp-rango bak ra·paan baksana uni tarigimin bosturang aro noksarangko India aro gipin a·songrangoba mesoke on·anirangko dakangaha. Ua dingtang dolrang jekai INTACH, Khasi Authors Society, North East Film and TV Producers and Directors Association baksana Meghalaya People Environmental Rights Forum baksa nangrimgimin ong·a. Ua Khasi aro English ku·sikchi dingtang dingtang ki·taprangkoba seaha.
Batanggimin bilsirango, ua ISB & M Award, Green Warrior Award, Rotary Club Shillong Excellence Award aro State Tirot Singh Memorial Arts and Literature Award-ko man·chape bang·a dingtang dingtang award-rangko man·angaha.
Na·simang iakoba nina man·gen:
Na·simang iakoba poraina man·gen: Jaffna Film Festival-o Pradip Kurbah-ni Khasi jawilwatko mesoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
