Shillong, Jan 3: Sri Lanka a·songo, chang 11-gipa Jaffna International Cinema Festival-ko December-ni 30 tariko a·bachengataha aro ia film festival-ko a·bachengatanio, Meghalaya a·dokni jawilwat tarigipa Pradip Kurbah-ni Khasi jawilwat ‘Ha Lyngkha Bneng – The Elysian Field’-koba mesokaha.
Ia Jaffna International Film Festival-ara, darang jat ba ku·sikna mikkang niteani grigipa film festival ong·a aro ian dingtang dingtang jatrangni daka rikanirangko ma·sie ra·an baksana jawilwatrangchi tom·tomani aro ma·sichakgrikaniko ra·bana miksonge ong·atenggipa film festival ong·a.
Ia film festival-o jawilwat tarigipa chadamberangni tarichenggipa jawilwatrangko mesokna cholrangko on·ronga aro uandaken ia film festival-o Pradip Kurbah-ni tarigipa Khasi jawilwatkoba mesokna chol man·aha.
Pradip Kurbah-ni tarigipa jawilwat ‘Ha Lyngkha Bneng – The Elysian Field’, Kolkata International Film Festival-oba ‘Best Film’ aro ‘Best Director’ award-rangko man·chape minggittam boksisrangko man·aha. 2025 bilsini Moscow International Film Festival-oba ia jawilwat, Best Asian Film-na NETPAC award-ko man·aha.
Na·simang iakoba nina man·gen:
Na·simang iakoba poraina man·gen: IPL 2026-o B’desh-ni cricketer Mustafizur Rahman-ko ra·jachina KKR-ko ge·eta
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
