Tura, Mar 23: BJP-ni ticket aspirant-rang, Tura aro Shillong Lok Sabha seat-rangna susaenggipa, Skotong Minister Conrad K Sangma-ni National People’s Party (NPP)-ni candidate, Agatha K Sangma aro M Ampareen Lyngdoh-na, BJP dolni chakpaaniko on•a mangsongenga inenba parakataha.
BJP-ni National Spokesperson, Sambit Patra, ” BJP-ni National President, JP Nadda ji-ni ge•etgimin gita, Meghalaya a•dokni Lok Sabha Election-ko ong•atanio, Tura aro Shillong damgni seat-rangna susaenggipa, NPP-ni Candidate-rangna, BJP dolni gita chakpaaniko on•a mangsongenga inenba Anga parakatna kusi ong•bea aro una agreba, Outer Manipur Constituency-na susaenggipa NPF aro Nagaland-ni Parliamentary election 2024-na susaenggipa NDPP-naba chakpaaniko on•a tik ka•manaha” inenba X-o seataha.
Ia Lok Sabha Election-o Tura seat-na, Agatha Sangma, Congress party-ni Saleng A Sangma aro Trinamool party-ni Zenith Sangma baksa susaanggen, indake iani gisepon, Shillong seat-na, Ampareen Lyngdoh, Congress party-ni Vincent Pala aro VPP aro gipin dolgni nangrime bikotgipa party-ni candidate baksa susaaniko dakangskagen.
Indake, BJP, NPP-ni dilenggipa MDA 2.0 sorkari baksa nangrime kam ka•enggipa dol ong•a jeon, MLA A L Hek, Cabinet Minister ong•enba dangdike on•enga ine nikna man•a.
BJP-ni State President Rikman G Momin, iani bidingo, Delhi-o Prime Minister Narendra Modi tom•aniko ong•atenba chanchirimaniko dakenba tik ka•angaha ine talataniko dakan baksa, ma•mong sorkarini dilenganio jekon tik ka•manaha ukon a•dok party ja•rikgen inenba Momin aganaha.
Unbaksana, iani bidingo chanchirimaniko dakna gita Sonibar salo tom•bimonganikoba ong•atanggen ineba ua janapatjolaha.
Indake, Shillong-ni ge 5 ticket aro Tura-ni ge 6 seat-rangko man•a sikgipa sak 11 aspirant-rang gnang.
Uarangara, Shillong Parliamentary seat-na ticket-ko man•a sikgiparangoni, Cabinet Minister AL Hek ong•achim, aro unbaksana, advocate Dr. Fenela Lyngdoh Nonglait, gitcham state President Ernest Mawrie, BJYM-ni President, Mewaker Lyngdoh aro Sumitra Laloo ong•achim.
Tura Lok Sabha seat-ni ticketko man•a sikgiparangara, GHADC-ni MDC Bernard N Marak, gitcham MLA Winnerson D Sangma aro KC Boro, gitcham MDC Boston Marak, Riya Sangma aro Thomas Marak ong•achim.
Tura-ni ning•o ga•akenggipa dingtang dingtang jolrango BJP dolni gita chakpaaniko dakengon, batanggimin chango Tura-na agreba, gipin constituency-rang jekai, Tikrikilla, Raksamgre, Phulbari, Mahendraganj, Ampati, William nagar, Baghmara, Songsak, Mendipathar aro Dalu constituency-rangoniko vote-rangko bang•en man•aha.
Indake, BJP dol, Tura, Baghmara, Raksamgre aro Barengapara (Dalu) border Constituency-rangko gnigipa biapko man•aha.
GHADC election-ni MDC seat-na susaanio, Tura-o Bernard N Marak aro Dalu-o Pramod Koch chegipa ong•a.
Na·simang ia video-koba nina man·gen:
Na·simang iakoba poraina man·gen: Video Story| Innovative Teachers’ training program enhancing science education
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
