Shillong, May 12: Sombar salo, Meghalaya a•dokni Chief Minister Conrad K Sangma, Ri Bhoi a•jani Umsli, Bhoirymbong-o donggipa Eastern Ri Bhoi Organic FPC Processing Plant-o Biochar Plant ba ma•manti jabolrangoniko a•sal tariani karkanako kulie on•angaha.
Ia karkanako kulie on•angani somoio a•dokni Chief Minister, jinmana aganprakengon, sorkarini mongsonggipa miksongarangoni mingsade, game ge•e cha•giparangni man•gniko namdapatanian ong•a aro game ge•e cha•giparangni game ge•e man•aniko bariatna gita sorkari, dingtang dingtang gadangrango kamrangko ka•enga ine parakataha.
A•arangko a•sal gnangbatatanichi, somoi gita namgipa bitchilrangko suale on•anichi aro kamrangko a•bachengna tangka paisarangko dakchake on•anichi game ge•e cha•giparangni kamrango dakchakanirangko on•na nanga ineba Chief Minister aganaha.
Ri Bhoi a•jani Umsli-o gital kuligipa Biochar Plant-ni gimin janapangengon, ia karkanako kulianichi jolo songdongenggipa manderang, mongsongbate game ge•e cha•enggipa manderang, dingtang dingtang namgnirangko man•gen ine Chief Minister aganaha.
Ia tom•aniko ong•atanio a•dokni Chief Minister, Bamboo Resource Assessment-ni Report-koba oprake on•angjolaha.
Ia tom•anio dongpae bak ra•anggipa gipin manderangara, Umroi-ni MLA Damanbait Lamare, Eastern Ri Bhoi Organic FPC-ni CEO Revistar Kharumnuid aro gipinrang ong•a.
Na·simang iakoba nina man·gen:
Na·simang iakoba poraina man·gen: 2027 National Games-na Tura-o me·chik robol kal·giparangko sandina a·bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
