Tura, Oct 1: Garo Hills-ni gitchambatgiparangoni dolsa, Rongram Durga Puja Committee, ia bilsio uamangni Golden Jubilee-ko ga·tapon, dingtang dingtang cholrangchi aro songsarna dangdike on·anirangchi uamangni bilsi 50-na olakkiani aro bakrimaniko maniangaha.
1975 bilsio a·bachenge, ia committee ua jolo donggipa manderangna pangchakaniko on·gipa ong·aha. Ia bilsini manianirang September 22-oni a·bachengaha, uandake Rongram, Tura aro wilwilao donggipa songrangoni manderang bang·en re·angaha. Niksenge aro nitobee tarigimin pandalko nina salanti ritchani ritcha olakkigiparang aro manderang re·angtokaha.
“Chinga manderangoniko bang·a nama skanirangko man·soaha. Ian chingni 50-gipa bilsi ong·ani gimin, chinga iako dingtangmancha manina skaha. Ia pandal-ko tarianian da·ona kingking chingni tarigiminrangoni dal·batgipa ong·a aro manderangoniko dakchakani aro ka·saaniko man·anina chinga uamangko namen mitela,” ine Golden Jubilee Committee-ni General Secretary Mohan Sapkota aganangaha.
Bilsi sotbonga ga·tapaniko uamang olakkianirangchisan maniangaijaha indiba songsarna dangdike on·anirangkoba dakangaha. Bansara Eye Clinic, Shillong baksa bakrime indin mikron-ko porikka ra·ani camp-rangko ong·ata baksana West Garo Hills-ni DRDA-ni Project Director Nipon Hajong-ni dakchakanichi kangal-cholgrigipa bi·sarangnaba skulo nanggipa bosturangko suale on·angaha.
September 23-oni 25-ona dingtang dingtang programme-rang jekai chrok-mesaani, doka-dam·ani aro dakmesokanirangkoba ong·atangaha. September 27 tariko PHE Minister Marcuise N. Marak Golden Jubilee Souvenir-ko oprake on·angaha aro batanggimin bilsirango committee-na dangdike on·anggipa gitcham president-rang aro secretary-rangkoba mande ra·anirangko dakangaha.
October 2 tariko Rongram chibima-o mite galonako dakanichi manianirangko bon·kame dakanggen aro salgipino rongtal-an·talatanirangko dakanggen. “Chinga ia manianirangko dakanio chibima-ko rongtale rakkianiara pilakni dakna nanggnian ong·a ine parakatanichi matchotatna ska,” ine Sapkota agandapangaha.
Ia bilsio Garo Hills gimiko dam 142 Durga Puja pandalrangko songaha, uarangoni dam 33 pandalrang Tura-o dam 92 West Garo Hills-o ong·a. Olakkianirangko dakani biap ong·ana agreba, ia pandalrang maniani somoirango manderangko bakrime an·saoataniko on·gipaba ong·a.
Na·simang iakoba nina man·gen:
Na·simang iakoba poraina man·gen: Zubeen Garg-ni siani bidingo Assam SIT Shyamkanu Mahanta aro Siddhartha Sharma-ko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
