Guwahati, Oct 16: Nambatgipa scientist-rang, defence expert-rang aro academician-rang ga•nanggijagipa biaprango kam ka•ani aro dakgrik-dinggrikanirangna tarisamsoanirango an•seng-baljoke dongna nangchongmotgipa dingtangmanchagipa cholrangko tariaha.
Defence Research and Development Organisation (DRDO) Tezpur-ni, Defence Research Laboratory (DRL), “Technologies for Mitigation of Disease Vectors and Other Jungle Hazards” ine pangchakaniko done October 15-oni a•bachenge salgnina national conference-ko ong•atangaha aro dingtang dingtang a•songrangoni bang•a u•i-ma•sigipa manderang unona bak ra•na re•baaha.
Ia tom•bimonganiko DRDO, Delhi-ni Director aro Director General Dr U. K Singh mongsonggipa sokgipa ong•e re•baenba oprake on•angaha. Unbaksana RGU-ni Vice Chancellor Prof. A. K. Buragohain tom•anio bak ra•e sipairangni an•tangtangko naljoke rakkina aro burungrango dakgrik-dinggrikanirangna nanggipa technology-rangna India a•songni kam ka•anirango bariroroani gimin aganangaha.
DGRE-ni Director aro DRL-ni Centre Head Dr Pramod Kumar Satyawali, pilak bak ra•giparangko rimchaksoenba, India-ni Salgro Salaram-o aro chugipa biaprango kam ka•enggipa sipairangni sabisirang aro ong•telaigipa obostarangko chagrongani neng•nikanirangni gimin talate on•angaha.
Uandake ua diltugipa biaprango sipairangko an•seng-baljoke, naljoke aro tange rakkina DRL-ni tarigipa chasong gitalni bosturang jekai Capsispray, Capsigranade, High Altitude Biodigesters, aro Water Quality Remediation System-rangko mesokangaha.
Dr Satyawali, dambe researcher-rangko “sipairangna dakchakaniko on•gipa technology”-rangna kam ka•china mol•molaha aro a•songko chel•chakna aro manderangko naljoke rakkina science-o re•mikkangna DRL-ni miksonganiko gisik ra•atangaha.
A•songna nangenggipa pangchakaniko baseanina Prof. Buragohain DRL-ko mitele aganenba, COVID-19 pandemic-ko nipilate manderangni an•seng-baljokani aro a•songko chel•chakanio gitalgipa cholrangko tarijringna nanga ine talatangaha.
Mongsonggipa agananiko dakengon, Dr U.K. Singh, defence R&D, academia aro karkana-rangni gisepo meligrikani dongna nanga aro sipairangna neng•nikanirangko on•gipa jo•ongrangchi batorogipa sabisirangko namatna cholrangko am•na ia dolgittamrangni bakrimaniara nangchongmotgipa ong•a ine aganangaha. Uandake ua scientific research-o gital manderangko rakkia baksana mikkangchina chanchie, a•songna warachakanio pangkamgipa cholrangko dakna nanga ine aganangaha.
Senior official-rang jekak Dr M.M. Parida (Director, DRDE Gwalior), Dr Selvam (Director, PM, DG SSS), Dr P.K. Bora (Director, NERIWALM), Umesh Thapliyal (DIG, SSB Tezpur), aro Brig. Kuldeep Astha-ba (Brig Med, 4 Corps) ia oprake on•anganio bak ra•angaha.
Sak 95-na baten delegate-rang — chong•motan scientist-rang, defence personnel, academician-rang aro chatro-chatrirang ia conference-o bak ra•angaha. Ia salgnina tom•bimonganio expert presentation-rang, technical session-rang aro epidemiology, vector management, sipai-rangni kam ka•anirango bioresource-rangko jakkalani, sabisirangko u•iani cholrang aro namen kenbegnigipa biaprango tange rakkiani cholrangni gimin poster exhibition-ko dakangaha.
Na·simang iakoba nina man·gen:
Na·simang iakoba poraina man·gen: ENEEF, Meghalaya a·dok sorkari aro Thailand baksa bakrime kam ka·nasia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
