Tura, Aug 20: Meghalaya a•doko manderangna sanna-banani cholrangko namdapatna krengengon, South Garo Hills-ni Siju Primary Health Centre (PHC) Ministry of Health and Family Welfare, India Sorkari-oniko mingsinggipa National Quality Assurance Standards (NQAS) Certification-ko man•aha.
Ia PHC, Public-Private Partnership (PPP) model-o BAKDIL-ni chalaigipa ong•a aro July 21-22 tarikrango NHSRC-ni seokgimin expertrang ia PHC-ko porikka ra•anirangko dake 97.14%-ko man•aha. Ian Garo Hills-oni iandakgipa certification-ko man•anio gnigipa PHC ong•a, iana skangba BAKDIL-ni chalaigipa Babadam PHC ia certification-ko man•aha.
Quality Council of India-ni ning•o, National Health Systems Resource Centre-ni (NHSRC) tarigipa NQAS framework, sanchakram biaprangko dingtang dingtang gadangrango nianirangko daka jekai sagiparangna simsakani, sabisirangko sannani, rongtal-an•talani, aro sagiparangna dangdike on•anirang.
Bilsi 16-na skang Siju PHC-ko BAKDIL-ni jako ra•on, sanchakram biap aro sannani cholrangni bidingo ma•mong sorkari bang•a neng•nikanirangko chagrongaha. Uandake uano kam ka•giparang aro cholrangko aro sagiparangko skang done krenge kam ka•anirangchi, adita bilsirangni ja•mano ia PHC-ko songo namgipa sanna-banani chol dakna man•aha.
“Ia certification-ara award-ko man•anisan ong•aija indiba chingni cholonrang, kam ka•anirang aro namgipa gadango sanna-bananiara pilakni man•gni ong•a ine chingni bebera•anirangko mesokani ong•a. Ian chingni kam ka•ani, donnugija dakani, darangkoba watchanggijani aro nambatgipana rikaniko mesoka,” ine BAKDIL-oni parakataha.
Ia chu•sokaniara BAKDIL-o sanna-bananina kam ka•giparang, Joint Directorate Quality Committee (JDQC), Office of the District Medical and Health Officer (DM&HO), Meghalaya Health Systems Strengthening Project (MHSSP) aro National Health Mission-ni (NHM) bakrime kam ka•anichi ong•aha.
“Chinga Siju PHC-o kam ka•gipa pilakna chingni nama skaniko on•a. Uamangni on•kange kam ka•anichi pilakna ka•donganiko on•aha aro Meghalaya-ni pilak sanchakram biaprangna nambatna skani gisikko on•a baksana, a•doko sannq-bananiko pilaknan apsangrik ong•e, ka•sachakani aro namgopa gadango sanna-bananiko on•e dingtanganiko ra•bana ra•bianiko on•a,” ine uamang aganaha.
Na·simang iakoba nina man·gen:
Na·simang iakoba poraina man·gen: Taxi driver-rangoniko tangka dabie ra•anina HNYM-ni membor sakbongako rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
