Shillong, Aug 20: Tourist taxi salgipa manderangoniko tangka dabie ra•a ine matnangako man•ani ja•man Hynniewtrep National Youth Movement (HNYM)-ni membor sakbongako Mongolbar walo, Nongpoh-ni police-rang rim•aha.
Koborko on•ani gitade, gipin biaprangoni re•baenggipa gipin jat manderangko nirikkienga inenba HNYF-ni membor-rang, tourist taxi salgipa manderangoniko tangka dabie ra•aha aro iani bidingo taxi salgiparang, police-rangna FIR ka•aha.
Tangka dabie ra•anina rim•ako man•gipa manderangara, HNYM Nongpoh circle-ni president Donboklang Kum, HNYM anti-influx cell-ni chairman Sparly Syngkli, HNYF Nongpoh circle-ni working president Aiborlang Marbaniang, Krius Pariong aro Ricky Tangsang ong•a.
FIR-o janapani gitade, HNYM-ni membor-rang, tourist taxi association-ni membor ong•enggipa tourist taxi driver sakgniona re•bae, tangka gamchina dabieaha aro iani bidingo uamang, FIR Nongpoh Police Station-o FIR ka•doangani ja•man, HNYM-ni membor-rangko rim•aha.
Gipin biaprangoni songrebaenggipa manderangko salbaenggipa gari bolprakoniko HNYM-ni membor-rang, gong 3000-oni gong 6500-mang ong•pile dabiaha ineba FIR-o parakaha.
Na·simang iakoba nina man·gen:
Na·simang iakoba poraina man·gen: SWGH-o rikenggipa C&RD Block-rangko A T Mondal nirokea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
