Shillong, Dec 17: Budbar salo, City Beautification Drive ba songjinma nitobatatani kamrangko Meghalaya a•dokni Chief Minister Conrad K Sangma, Shillong songjinmani Mawlai Mawroh-o a•bachengate on•angaha aro ia kamko a•bachengatanio, a•dokni Chief Secretary Dr Shakil P Ahammad, Urban Affairs-ni Director aro Shillong Municipal Board-ni Chief Executive Officer PK Boro baksana dingtang dingtang official-rangba dongpae bak ra•angaha.
Ia City Beautification Drive-ko a•bachengatanio a•dokni Chief Minister, tom•anio bak ra•giparangna aganprakengon, ian Urban Affairs department aro municipality-rangni ning•o a•dokni songjinmarangko aro jillarangko rongtalbatatna, naljokgipa ong•atna aro nitobatatna gita sorkarini ja•ku de•ani ong•enga ine parakangaha.
A•doko songdongenggipa manderangni bakrimanichi sorkarini kamrang chu•sokgipa ong•na man•enga ine janapatengon, dingtang dingtang gittimrango songdongenggipa manderang, an•tangtangni gittimrango CCTV camera-rangko chate on•china nangniktokahani gimin, skanggipa bako seokgimin dam 45 gittimrangoni dam 25 gittimrangnade CCTV-rangko chate on•na man•aha aro bakan gipin dam 20 gittimrangoba CCTV-rangko chate on•gnok ine Chief Minister parakataha.
Gnigipa bako gipin gittimrangoba CCTV camera-rangko aro street light-rangko taridape on•angkugen ineba Sangma, ku•rachakaniko on•angaha.
Dingtanganiko ra•bana gitade a•doko songdongenggipa manderang aro sorkarini gisepo bakrime kamrangko ka•na gita nangchongmota ine janapatengon, chonbegipa kamchiba a•dokna namroro silroroaniko ra•baanio namen dingtanganiko ra•bana man•a ine Chief Minister aganaha.
Ja•mano a•dokni Chief Minister, dingtang dingtang gittimrangko nitoatna gita tangka paisarangkoba sualataha aro Mawlai Mawroh-o chatgipa CCTV-koba a•bachengate on•angaha.
Na·simang iakoba nina man·gen:
Na·simang iakoba poraina man·gen: WKH District Library-ko namdapatchina HSPDP mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
