Guwahati, October 24: Zubeen sagini siani bidingo SDGP (CID) aro SIT-ni skotong Munna Prashad Gupta aro unbaksa saksa member Singapore-ona re·ange Singapore sorkari-ni rai-ko man·e am·sandianirangko dakbaaha ine Gupta Sukrobar salo Guwahati-ni CID office mikkango kobor ra·timgiparangna parakataha.
“20 tariko chinga Singapore-ni India High Commissioner baksa tom·aniko dake Singapore police-o nanggipa pilak dakchakanirangni gimin agangrikangaha. Sal 90-ni gisepon chingni am·sandianirangko matchotatna nangani gimin chinga donsogimin somoini gisepo uamangni bakrimaniko nanga ine chinga uamangna talataha,” ine Gupta aganangaha.
Singapore authority-rang Zubeen sagini post-mortem report-ko Indian High Commission-ni jako on·ataha aro ian uamangni am·sandianirango namen nangchongmotgipa ong·a ineba ua aganangaha.
Singapore-o ia obosta ong·anio mongsonggipa biaprangonaba SIT-ni manderang re·ange niaha. Uandake September 30 tariko bi·atgipa Mutual Legal Assistance Treaty (MLAT)-ni bidingo, Singapore Police re·baenggipa sal 20-ni gisepo namgipa aganchakaniko on·gen ine Gupta agandapangaha.
Iandakgipa obostarango gipin a·songrang baksa bakrime kam ka·anio somoirangko ru·ute nangronga indiba Singapore-ni authority-rang namedake aro ta·raken aganchakaniko on·aha ine ua janapaha.
Zubeen sagini siani obostao bak man·pagipa sak-11 Non-Resident Indian-rangoni (NRI), sak-10de an·tangtangni statement-rangko on·aha aro uamangko sing·doanirangko dakengmitingo tangka-paisarangko ong·gija dake jakkalanirangko nikgipa saksni manderangko rim·aha. Uamangni bank account-rango bang·a tangka-paisarangko man·aha jean uamangni dormaharang baksa melijaha, uni gimin Prevention of Corruption Act-ni ning·o Chief Minister’s Vigilance Cell-ni gita niamni ning·o badepile tangka-paisarangko ra·bitani gimin uamangko badi ka·angaha.
Da·ona kingking sak-70na baten manderangko sing·doanirangko dakangaha, aro am·sandianirangko dakengkua ine Gupta aganangaha.
Uandake, dongimin somoini gisepo am·sandianirangko matchotatna uamang sal-wal kamrangko ka·enga ine aganenba, Zubeen sagini jikgipa Garima Saikia Garg-ba Sukrobar salo SIT-ko mikkang pa·aniko dakangaha ine ua parakataha.
Na·simang iakoba nina man·gen:
Na·simang iakoba poraina man·gen: Loyola School skanggipa changna Cultural Day-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
