Shillong, Feb 27: Conrad K. Sangma, PM eBus Sewa Scheme-ni ning·o bol 55 bijolichi chalaina man·gipa bus-rangko man·chape bol 84 gital bus-rangko Meghalaya Legislative Assembly-o oprake on·angaha. Urban Affairs Department’s New Service, “Ka Bos Jong Ngi”-ni ning·o ia bus-rangko a·bachengate on·angha.
Ia gital bus-rango songreaniko altubatatna aro dongtogipa ong·atna gita air-conditioning, mobile charge ka·chakani, real-time tracking aro e-ticketing ba online ticket ra·aniko dakna man·gen. A·doko dongenggipa manderangna naljokgipa aro samtangtango donggipa ong·telaigiparangna nangchakeagrigipa songre songabataniko on·a, IIM Shillong aro Upper Shillong-ona pringni 7 bajioni 9 bajiona salanti bus wate nianiko a·bachengataha.
Tom·aniko ong·atanio, Skotong Minister, Van Dhan Vikas Kendra (VDVK)-ko man·gipa manderangna chonchongipa bading chiwalaniko a·bachengatna aro janggi tanganiko cholko ra·anio dakchakaniko on·a bol 7 cha·ani palchakgipa food cart-rangko on·angaha.
Ia bus-ko a·bachengate on·ani miksonganiara public transport-ko namdapatan baksana janggi tangani cholrangko nakatatna aro Meghalaya a·doko samtangtango donggipa ong·telaigiparangna nangchakeagrigipa namroro silroroaniko ra·baanina dakchakaniko on·anian ong·a.
Na·simang iakoba nina man·gen:
Na·simang iakoba poraina man·gen: Gp-D-na interview-rangko ong·ataniara sorkarini niamko pe·ani ong·a ine KHNAM matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
