Shillong, May 28: Animal Husbandry aro Veterinary Department-ni Cabinet Minister, A. L. Hek, May jani 23 tariko Madhya Pradesh, Indore-ni tourist sak 2 gimaenggipa Sonam Raghuvanshi aro Raja Raghuvanshi-ko am·sandiani kamrangko Sohra (Cherrapunji)-ona re·ange nirokeaniko dakangaha.
Gimaenggipa jikma jikse sakgni May jani 22 tariko Mawlakhiat (Elaka Mynteng) songona sokbaenba, biap nidilgipa (tourist guide) Bha Wansai baksa Nongriat-o donggipa Double Decker Root Bridge-ko nina re·angana am·engachim. Uamang Shipara Homestay-o waltuenba, pringo ong·katangaoni re·bapilajaha. May jani 24 tariko uamangni scooty-ko Sohrarim-o gale donako man·enba, uamangni madrangrang uamangko gimaenga inenba missing report-ko on·eaha.
Mikkarang jimbee waan baksana dongchakani biaprangko man·jani gimin uamang a·bachengo songreanio ra·bitgipa bosturangko Sohra-ni Saitsohpen-o donggipa Manha Homestay-o donangaha ineba u·ina man·aha. Uamangni donanggipa bosturangoniko am·sandianiko dakon maming uamangni gimaanio nangchapgipa chinrangko man·jaha.
Police-ni jakkalgipa achakrang (K9 Unit), NESAC-ni drone-rang aro Special Operation Team (SOT) member-rangko man·chape dol 3 am·sandigipa dolrang, dingtang dingtang biaprang jekai Nongriat, Mawsahew, Weisawdong, Mawkdok, Umdiengpoh aro Sohra Rim-rangoniko am·sandianirangko dakenga, jeon jolo songdonggipa manderang aro sorkarini official-rangba am·sandianio dakchakanirangko on·paenga.
Minister Hek, am·sandianirangko name chanchie aro ta·rake dakna nanggen ine aganengon, sorkarini gita uamang chu·gimik dakchakaniko on·gen ineba ua ku·rachakaniko dakangaha. Am·sandianirangko da·oba dakengkua.
Na·simang ia video-koba nina man·gen:
Na·simang iakoba poraina man·gen: Mehao Wildlife Sanctuaryoniko Burmese Chipu nokma aro Kawatteko naljokata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
