Williamnagar, May 28: Sorkarini kamrangko songadam nokadamrangonaba sokatna kam ka·anio, Meghalaya a·dokni Chief Minister Conrad K Sangma, East Garo Hills a·jani block damgni, chong·motan Songsak aro Dambo Rongjeng block-ni Integrated Development Complex-rangko Budbar salo nokdonggae on·angaha.
Ia Integrated Development Complex-rangara Special Assistance to States for Capital Investment (SASCI) scheme-ni ning·o nosto ong·gimin sorkarini nokrangko taridapani bakrangan ong·a.
Songsak C&RD Block-ni ia gital office complex-ko nokdonggae on·anganio a·dokni Chief Minister, jinmana aganprakengon, SASCI scheme-ni ning·o dingtanganiko ra·bana man·engani gimin janapangenba, ru·utbea bilsirangna nosto ong·e galchipgimin Block office-rangko ia scheme-chi gital dake ong·atpiltaina man·engaha ine parakataha.
Meghalaya a·doko dam 56 C&RD Block-rang donga aro ia block-rangoni bang·batan da·o gital dake taridapaniko man·engaha ineba ua aganaha.
Ja·mano ua Dambo Rongjeng C&RD Block-ni gital office-ko nokdonggae on·anganioba jinmana aganprakengon, block office-rangko gital dake taridapanio mongsonggipa miksonganiara, songni nokni manderangna nambate kamrangko dangdike on·na man·na gita block office-rango kam ka·enggiparangna dongtoaniko on·anian ong·a ine Chief Minister aganaha.
Songadam nokadamrango donggipa manderangna dangdike on·enggipa dingtang dingtang sorkari department-rango kam ka·enggiparangna sorkari, a·dokni dingtang dingtang biaprango staff quarter-rangko rikna manchienga ineba Chief Minister parakataha.
Da·o dipet Meghalaya sorkari, a·dokni dingtang dingtang block-rangko namdapatna gita gong crore 120-na baten tangka paisarangko chamataha aro dam 10 gital C&RD block-rangnaba nokrangko rikna gita adita salrangna skangsan a·dokni Chief Minister parakataha.
Na·simang ia video-koba nina man·gen:
Na·simang iakoba poraina man·gen: Gaurav Gogoi-ni 2013 bilsio Pakistan re·anga ine ku·rachaka jaman Assam-o jingjengani a·bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
