Shillong, Aug 18: South East Asian a•songrang baksa bading chiwalgrike, Meghalaya a•doko tangka paisani gita man•dapaniko ra•bana miksonganio dingtangmancha cholrangko sandina gita Sukrobar salo, Meghalaya a•dokni Chief Minister Conrad K Sangma, official-rang baksa tom•aniko ong•atangaha.

Iani bidingo official-rang baksa tom•e chanchirimani ja•man, social media-o parakatengon, Meghalaya a•doko man•enggipa ma•manti bosturangko samba jolo donggipa a•songrangona watna aro land custom station-rango bading chiwalgrikani cholrangko sandina ia tom•aniko ong•atangaha ine Chief Minister parakataha.

UNESCAP-ni dakchakanichi Meghalaya a•doko namroro silroroaniko ra•bana gita Bangladesh, Bhutan, India aro Nepal a•songrangni gisepo re•a doani cholrangko bilakatatna nangnikenga ineba Chief Minister parakataha.

Meghalaya a•dokara Bangladesh aro South East Asia-ni gipin a•songrang baksa sepanggrikani gimin a•song damgnini gisepo bading chiwalgrikna cholguga gita jakkalna man•gen ineba Sangma aganaha.

International Trade & Commerce-o daka rikanirangko skie ra•enba, ia apsan daka rikanikon Meghalaya a•dokoba ja•rikna gitaba ia tom•anio ua official-rang baksa chanchirimaha ineba Chief Minister parakataha.

Iakoba poraie nina man·gen: Police force-ko be·en-bimango mangrakbatatna, Assam police, BMI-ko ka·na a·bachengata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub