Williamnagar, July 19: East Garo Hills-ni Tomdaksan Farmer Producer Organization-ni (FPO) game cha·giparang Lebi D. Sangma-ni dilanichi skanggipa changna tonne-3,000 anaros-rangko North Eastern Regional Agricultural Marketing Corporation Limited-ona (NERAMAC) July 18 tariko watataha.
Ian Garo Hills-o, mongsongbate Samanda Block-ni ning·ao donggipa Dawachipit-ni anaros ge·e cha·giparang mingsa dal·bea chu·sokani ong·a. Ia anaros-rangko watatna Williamnagar-ni District Horticulture Office dakchakaha, aro ian a·jao anaros-rangko ge·e-game cha·anirangko namdapatna ja·ku de·ani ong·a.
Una agreba, Tomdaksan FPO-oniko antirikkitan tonne 6 anaros-rangko brena ine NERAMAC ku·chake on·e, uandake pala-sim·aniko dakangkuna aro bang·bate ge·a-gamanirangko dakangna game cha·giparangna didianiko on·enga.
Tomdaksan-ko 2021-22o bilsio a·bachengataha, aro gisik nange kam ka·gipa Meghalaya-ni FPO-rangoni uan dolsa ong·enga. Anaros-na agreba, uamang Khasi mandarin-ko ge·e dingtang dingtang bosturangko tarinaba Jirang FPC aro East Ri Bhoi FPC baksa bakrime kam ka·enga.
East Garo Hills a·jani anaros-rangko uarangni chi·anina, bitchi bang·anina acidity komianina Salgro Salaram a·dokrangni gisepo aro India-ni gipin antidamrango manderang namen namniktoka. Mission for Integrated Development of Horticulture (MIDH), PM Formalization of Micro Food Processing Enterprises (PMFME), aro One District One Product (ODOP) initiative-rang gita dakgipa sorkarini scheme-rangni dakchakanichi, anaros-rangko ge·ani, dingtang dingtang cha·ani-ringanirangko tariani, tepani aro pala-sim·anirangko dakanio a·jao nambata gadangona sokaha.
Uandake, game cha·giparang uamangni biterangko da·o Guwahati, Kolkata, North India, aro a·songni a·palchini gipin antidamrangonaba skanggipa changna watengaha.
East Garo Hills jolni anaros-rangko chemicalrangko jakkalbregija ge·rongbewalo ge·e gipin biaprangni anaorsrangna bate similbatanina aro chi·batanina, ia a·jani ODOP bostuna anaros-kon tikahata. A·jani gipin mingsinggipa ge·a-gamanirangara Khasi mandarin, te·rik, gulmoris, e·ching, me·rakku aro rokomari me·surang ong·a.
Na·simang iakoba nina man·gen:
Na·simang iakoba poraina man·gen: Chang 29-gipa NERPC meet-ko Guwahati-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
