Tura, August 17: Sonibar salo, Tura-ni Chandmary-o donggipa Tura Government Boys’ Higher Secondary School-ni kal·chakramo Tura Football League-ni 1st Division-ko ong·atanio, Araimile SCC 2-0-chi Rongbakgre SCC-ko amataha. Ia kal·susaani 25-gipa minute-o Toningbirth M Sangma goal 1-ko aro 36-gipa minute-o Jellezel Ch Marak goal 1-ko chipe on·enba doltangna chu·sokaniko ra·baaha.
Ia league-ko ong·atanio chegipa ong·e Araimile SCC gong lakh 1 baksana trophy aro medal-rangko man·angaha aro 2-gipa biapko man·gipa Rongbakgre SCC gong hajal 70 baksana trophy aro medal-rangko man·angskaaha.
Ia kal·susaaniko ong·atanio, Bajengdoba-ni MLA aro Stat Public Grievances Committee-nu Chairman Pongseng R Marak, mongsonggipa sokgipa ong·e, Assistant Commissioner Abigail Vida Tariang, West Garo Hills-ni Divisionnal Forest Officer Rupankar K Marak, State Public Grievances Committee-ni Co-Chairman Kritenbirth R Marak baksana District Football Association-ni member-rangba dongpae bak ra·angpaaha.
Kal·suaaniko ong·atanio, Araimile SCC-ni Toningbirth M Sangma, Player Of the Final award-ko, Rongbakgre SCC-ni Tengchuang M Sangma Player Of the League award-ko, Araimile SCC-oni Best Goalkeeper award-ko Trenabirth M Sangma, Best Defender award-ko Nikrang Achue M Marak, Danakgre SCYA-ni Pantom Ch Marak, Best Midfielder award-ko, Achapara Balmikka GSC-ni Tengrik R Marak Best Forward award-ko man·angtokaha. Ia league-ko ong·atanio chu·gimik goal 8 chipenba, Rongbakgre SCC-ni Fifteen Ch Marak, Top Scorer award-ko man·angskaaha.
Iani gisepon, District Football Association, 2025-26 bilsirango gital U-18 3rd Division League baksana Open Women’s League-ko a·bachengate on·anggnok ineba parakataha. Ia TFL Super Division-ni final-ko re·baenggipa September jani 3 tariko ong·atanggen.
Na·simang iakoba nina man·gen:
Na·simang iakoba poraina man·gen: Bangladesh-oni napsrukbagipa sak 21 manderangko Sribhumi sima arioni watatpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
