Tura, May 24: Tura-ni Lower Babupara-o donggipa Tura Natya Samity-ni bilsi 100 gapaniko Sonibar saloni manina a·bachengataha aro ia manianiko a·bachengatanio, Meghalaya a·dokni Chief Minister Conrad K Sangma, mongsonggipa sokgipa ong·e bak ra·angaha.
Tura Natya Samity-ni bilsi 100 gapaniko manianio a·dokni Chief Minister, chakkiko so·e on·angenba, balloon-rangko wate, ia manianiko a·bachengate on·angaha.
Ia tom·bimonganio a·dokni Chief Minister, jinmana aganprakengon, Natya Samity-ni member-rangna an·tangni namgipa skaniko on·angenba, batanggimin bilsi 100-ni gisepo ia dolni dal·roroanina dingtang dingtang kamrangchi on·gilanggipa pilak manderangkon mittelpilangaha.
Tura Natya Samity-ko jatni daka rikanirangko nirokgipa ine janapatengon, ia dolni dal·rorobaanio, British-rangni sason ka·gipa India a·songko, India a·songni jakgitel man·aniko aro Meghalaya a·dokko rikani baksana itihasni dingtang dingtang bakrangko nikbana man·aha ine Sangma aganaha.
Tura Natya Samity-ni dakmesokani, doka dam·ani, chrokani aro sea jotani kamrango on·gilanirangko janapatengon, Garo Hills-o ia dol, changgipa sapgipa manderangko ong·katanio aro jatni daka rikanirangko ripinganio namen mongsonggipa daitoko jako ra·e ka·aha ine Chief Minister aganaha.
A·doko doka dam·ani, git ring·ani aro uandakgipa an·saoatani program-rangko ong·atani bidingo janapatengon, a·dokni skotong Shillong songjinmako ‘Music Capital of India’ ine mingsing minggamengaha aro Meghalaya a·dokba international concert-rangko sokachakgipa biaprangoni damsa ong·paengaha ine Chief Minister aganaha.
Meghalaya Grassroots Music Project (MGMP) gita dakgipa program-rangchi a·dok sorkari, sak 7000-na baten git ring·gipa aro dokgipa dam·gipa manderangna cholrangko on·e dakchakenga ine janapatskaengon, a·doko changgipa sapgipa manderangna cholrangko on·angkuna gita sorkari, Shillong-o Film Institute-ko aro Tura-o Music Institute-ko kulina miksonganirang donga ine Chief Minister parakataha.
Tura Natya Samity-ni nokrangko rikdapna gita gong lak 25 tangkarangko dakchake on·na gitaba ia tom·anio Chief Minister parakataha.
Ia tom·anio West Garo Hills a·jani Deputy Commissioner Vibhor Aggarwal aro Centenary Celebration Committee-ni chairman Pranab Bhowmik-ba jinmana aganprakangaha aro Natya Samity-ni kamrangni gimin agan-talatanirangko on·angaha.
Tura Natya Samity-ko 1926 bilsio kuliaha aro ian Meghalaya a·doko doka dam·ani, git ring·ani, chrokani, dakmesokani baksana jatni daka rikanirangko ripinganio gitchambatsranggipa dolrangoni dolsa ong·enga ine nikna man·a.
Na·simang iakoba nina man·gen:
Na·simang iakoba poraina man·gen: SGH a∙jao International Day for Biological Diversity-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
