Tura, Nov 20: Bristibar pringo, Tura-ni Nehru Park samba jolo donggipa Bokmagre-o adita sak manderang, a•a cho•engmiting somoio, rang•gitik kosakoni a•a be•dape sakgni so•otako man•aha aro gipin sakgittam manderang, bilongbee saknaanirangko man•aha.
A•sel ong•ani ja•man State aro District Disaster Management Authority-ni manderang, police-rang baksa a•a be•dapa man•gipa mande sakgittamode tange ra•ongkatna man•aha indiba ua biapo kam ka•enggipa mande sakgnide an•tangtangni janggiko gimaatna nangaha.
A•sel ong•ani ja•man bakan police-rangna kobor on•ataha aro a•sel ong•gipa biapona dolsa police-rangko watataha ine West Garo Hills a•jani Superintendent of Police (SP) Abraham T Sangma parakataha.
SP-ni parakatani gitade, a•a be•dapa man•e sigipa mande sakgnini manggisiko ja•mano ra•ongkatna man•aha aro saknaa man•gipa manderangkoba sanna gita Tura Civil Hospital-ona ra•angaha.
Ia biapo kam ka•enggipa manderangara Assam-oni ong•achim aro ia manderang, batanggimin sal somoirangonin ia biapo kam ka•engachim ine kobor on•aha.
Na·simang iakoba nina man·gen:
Na·simang iakoba poraina man·gen: Sohra CHC-ni OT Complex-ko CM nokdonggae on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
