Tura, May 12: Tura songjinmako nitobate taridapna ra•gatgimin dingtang dingtang project-rangko nipilna gita Mongolbar salo, Meghalaya a•dokni Chief Minister Conrad K Sangma-ni dilanichi tom•aniko ong•atangaha aro ia tom•anio, a•dokni Cabinet minister-rang, chong•motan Timothy D Shira aro Sanbor Shullai-ba dongpae bak ra•angaha.
Ia tom•anio, Tura songjinmani dingtang dingtang biaprangko nitobate taridapna ra•gatgipa gong crore 1331-ni project-rangko nipilangaha aro ia project-rangoni mitamranga, gong crore 165-ni Tura Integrated Administrative Complex, PA Sangma Sports Complex, Pa Togan Sangma Track & Field Stadium aro Tura Technology Park ong•a.
Jako ra•e ka•enggipa gipin project-rangara, Tura Bazar-ko nitodapatani, Convention Centre, Pelga Tourist Circuit & Hospitality Complex, Working Women’s Hostel, heliport aro Tura Water Supply Scheme ong•a.
Polo Orchid Hotel-koba bakan taridapna siengaha.
Ia tom•anio, tender on•na tarimangimin crore 242.74-ni project-rangkoba nipilangaha. Ia project-rangoni mitamrangara, Najing Bazar-ko taridapani, SMELC-o gari donchakani biap aro cinema complex-ko rikani, Tura City Park, Active Ageing Centre, Araimile-o Kids Zone aro Tura Promenade ong•enga.
Sorkarini manchisogimin gipin kamrangara, Chief Minister’s Youth Center, Circuit House-ko taridapani, commercial complex-ko rikani, street light-rangko chatani, aro Kendriya Vidyalaya-o kal•chakram biaprangko taridapanian ong•enga.
Tura songjinmako nambate taridapna gimik gong crore 1928-mangni gita tangka paisarangko hisapsoaha ine janapatengon, ia kamrangko somoi gita matchotatchina aro dingtang dingtang department-rangni gisepo nangrime kamko ka•china Chief Minister didiataha.
Na·simang iakoba nina man·gen:
Na·simang iakoba poraina man·gen: Arunachal Pradesh-ni Changlang a∙jao sakgni NSCN cadre-rangko so∙ota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
