Dibrugarh, May 12: Arunachal Pradesh-ni Changlang a∙jani Miao police station-ni ning∙ao donggipa Songking minggipa songni sepango sipai dolrang walgimik am∙sandianirangko dake bobil dake chakatgipa NSCN dolni sakgni manderangko Mongolbar salo so∙otaha.
Bobil dake chakatgipa NSCN dolni manderang songni manderangoniko ra∙seke ra∙na Songking songo nape dongenga ine koborrangko man∙enba, Assam Rifles ua jolo am∙sandianirangko dake NSCN-ni sakgni manderangko so∙otaha. Uandake sipai dolrang aro burungo nape dongenggipa bobil dolrangni gisepo walgimik namen gogrikanirang ong∙aha aro ua biapo adita silchidarerangkoba man∙aha ine official-rang parakataha. Sipai dolrang ua biapo am∙sandianirangkoba a∙bachengataha.
Indake ong∙engon, Sombar walo Arunachal Pradeh-ni Longding a∙jani Wakka circle-ni ning∙ao donggipa Chop minggipa songoba, Assam Rifles aro bobil dake chakatgipa dolrangni gisepo gogrikanirangko dakangaha, indiba dolgnionin saknaanirangko man∙aniko da∙o dipetde knakujaenga.
“Arunachal Pradesh-ni Salaram jolni Tirap, Longding aro Changlang a∙jarango namen golmal ong∙gipa biap ong∙a aro NSCN dolo napgipa bang∙a manderang ua biapo donga. Iandakgipa dolrangni donganichi aro pil∙nipil ka∙mikkenatanichi ua jolrango songdonggipa manderang namen neng∙nikanirangko man∙enga,” ine saksa mande parakataha.
Ra∙seke ra∙anirangara bobil dake chakatgipa dolrangni dakrongbewal ong∙a aro uamang doltangtangko chalaina ine songni manderang ro bading-chiwalgiparangni kosako sinjetanirangko on∙ronga.
Sipai dolrang Arunchal Pradesh-ni Salaram jolo am∙sandianirangko a∙bachengatenba NSCN-ni dingtang dingtang dolrangni adita cadre-rangko rim∙anio chu∙sokaha.
Na·simang iakoba nina man·gen:
Na·simang iakoba poraina man·gen: Shillong LS by-election-ko jadokni gisepon ong•atgen: CEO
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
