Shillong, Mar 30: Sombar salo, Meghalaya a•dokni Chief Minister Conrad K Sangma, adita project-rangko, Ri Bhoi a•jani Patarim-o donggipa Umsning Football Ground-o a•bachengate on•angaha. Ia project-rangara, E-RISE (Eri Rearing, Innovation, Spinning & Empowerment) project, Umsning Mini Stadium-na pangchakaniko songani, Project Aspire-FILO app aro gipinrang ong•a.
Ia project-rangko a•bachengatanio, a•dokni Community & Rural Development (C&RD) Minister Sosthenes Sohtun, Umsning-ni MLA Dr C Lyngdoh, Nongpoh MLA Mayralborn Syiem aro dingtang dingtang official-rangba dongpae bak ra•angtokaha.
Ia tom•bimonganio a•dokni Chief Minister, jinmana aganprakangengon, 2025 bilsini November jao, Umsning-ni manderangko uni gronganio, manderang an•tangtangni nangnikanirangko u•iatahani giminsa da•alo ia project-rangko sorkari a•bachengate on•aha ine parakataha.
Bhoirymbong-o ong•atanggipa CM Connect program-o mande saksa, na•tok jilaniko skie on•na program-ko ong•atna nangengani gimin aganahani a•selsa da•alo na•tok jilenggipa sak 1600-na baten manderangna skie on•na man•aha ineba Chief Minister aganaha.
E-RISE project-ni bidingo talataniko on•angengon, Ri Bhoi a•jamangmangon eri jo•ongko jilgiparang aro eri kildingko tarigiparang sak 7000-na baten donga aro ia project-ni ning•o sorkari, ia manderangna tangka paisarangko on•e dakchake on•anggen ine Chief Minister parakataha.
Ia kamna crore 4.61-mangni gita koros ka•e bilsiprakon gong crore 10-mangni gita man•pilskaani donggen ineba ua aganaha.
Robibar salo, uni Union Finance Minister-ko Delhi-o grongbagipani gimin talataniko on•angskaengon, ua somoio Finance Minister-ni Meghalaya a•doko tarigipa eri kildingni sariko ganako nikbae ua namen rasong chabeaha ine Chief Minister aganaha.
Umsning Mini Stadium-na pangchakaniko songani bidingo janapatskaengon, ia Umsning jolrango songdongenggipa manderangni ru•uta bilsirangna nangnikani ong•achim aro da•alo ia mini stadium-na ua pangchakaniko songe on•na man•ahani gimin namen katchabea ine Chief Minister aganaha.
Iana skang a•dokni Chief Minister aro gipin dilgiparangni jakchi, E-RISE project-ni ostrorang, gipin bosturang aro cheque-rang baksana na•tok jilgiparangnaba MSSDS-ni Training Certificate-rangko suale on•angaha.
Na·simang iakoba nina man·gen:
Na·simang iakoba poraina man·gen: Culinary Cascades-ni Seeti 2.0-o, M’laya a·dok maikai tourism aro tangka paisani gita tang·doaniko ra·doengachim chanchirimaniko dakangaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
