Williamnagar, Feb 13: East Garo Hills a•jao songdongenggipa manderangni jaktangchi tarigipa ma•manti bosturangko palchakna tarigipa Williamnagar-ni District Emporium-ko Sukrobar salo, Meghalaya a•dokni Chief Minister Conrad K Sangma, kulie on•angaha. District Emporium-ko kulie on•anganio, a•dokni Cabinet Minister aro Williamnagar-ni MLA Marcuise N Marak, Deputy Commissioner RP Marak, Superintendent of Police Stephen Rynjah, District Commerce & Industries Centre baksana dingtang dingtang department-ni official-rangba dongpae bak ra•angaha.
Ia tom•anio, DCIC-ni General Manager Moshe R Marak, rimchaksoani kattarangko aganangengon, ia District Emporium-ko kulie on•na somoiko on•ahani gimin a•dokni Chief Minister-ko mittelpilangaha aro ia project-ko chu•sokgipa ong•atanio pilak nanga dakchakanirangko on•ahani gimin ua a•dokni Cabinet Minister Marcuise N Marak, Deputy Commissioner aro gipin official-rangkoba mittelpilangaha.
Ia tom•anio a•dokni Cabinet Minister Marcuise N Marak, jinmana aganprakengon, ia emporium-ko kulina rakbee kamrangko ka•dilahani gimin DCIC-ni General Manager Moshe R Marak-ko mittelpilangenba, ia emporium-ko kulianichi ian jakni kamrangko changgipa sapgipa manderangna janggi tangani cholko on•asan ong•aigija gipin biaprangoni re•baenggipa manderangba, ia jolrango man•gipa jatni bosturangko bree ra•angna chol ong•gnok ine aganaha.
Chief Minister Conrad K Sangma-ni dilanichi Meghalaya a•dokba ka•sine namroro silroroaniko nikna man•engaha ine janapatengon, 2018 bilsio Chief Minister ong•chengaonin ua, a•doko pilakni gitan namroro silroroaniko ra•bana niksamsoani gnang kamko ka•aha ine Marak parakataha.
Ia tom•anio a•dokni Chief Minister Conrad K Sangma-ba jinmana aganprakangengon, uni pagipa PA Sangma sagini namnikbatsranggipa gitrangoni mingsa, ‘Nitoa A•chik A•song’ gitko ring•ahani gimin DCIC-o skie ra•enggipa manderangko mittelangchengaha. Ia gitni itihaskoba aro ia gitko uni pagipa sagi maikai namnikbeachim, iani giminba ua aganangaha.
Ia emporium-ko kulina rakbee kamrangko ka•ahani gimin DCIC-ni general manager aro uni dolko mittelpilangengon, ia emporium-ko kulianichi, jolni chadamberangna, Self Help Group (SHG)-rangna aro jakni kamrangko ka•e cha•giparangna bang•en namgni ong•gnok ine Chief Minister aganaha.
Songni nokni karkanarangko, bading chiwalaniko aro songo noko namroro silroroaniko ra•baanichi maikai uni sorkari, Meghalaya a•dokni economy-ko dollar billion 10-ona tang•doatna niksamsoani gnang kamko ka•enga, uni giminba Chief Minister agan-talataniko on•angaha.
Na·simang iakoba nina man·gen:
Na·simang iakoba poraina man·gen: Samanda EMRS-ko CM kulie on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
