Williamnagar, Dec 21: Williamnagar jillani Superintendent of Police (SP) office sambao gital rikgipa ‘Neng·takram’ biap baksana Krismasna light taritilonganiko Robibar salo, a·dokni Cabinet Minister aro Willliamnagar MLA Marcuise N Marak, kulie on·angaha.
Ia biap aro Krismasna taritilonganiko a·bachengate on·anganio, Deputy Inspector General of Police (DIG) Western Range JFK Marak, dingtang dingtang official-rang aro jolo songdongenggipa manderangba dongpae bak ra·angtokaha.
Ia program-ko ong·atanio, East Garo Hills a·jani SP Stephen A Rynjah, rimchaksoani kattarangko aganangengon, chel·a biaprangoni SP office-ona re·baenggipa manderang, neng·takani biaprang dongjae bang·bata somoirangon, ramasamrangosa asonge neng·takna gita nangrongani gimin police department, iandakgipa manderangna ia neng·takramko rike on·na tik ka·aha ine parakataha. Ia biapo, SP office-ona re·baenggipa manderangsan ong·aigija jeba neng·takna gita man·aigen ineba SP talataniko on·angaha.
Ia tom·anio, Williamnagar Sacred Heart Parish-ni Parish Priest. Fr. Thomas John Krismasni namgipa kattarangko aganprakangengon, Krismasara ka·dongani, tom·tomani aro katchaaniko maniani ong·a ine ia gunrangko an·tangtangni janggi tanganio ra·bitjringchina manderangko didiangaha.
Ia tom·anio DIG Western Range JFK Marak-ba jinmana aganprakengon, ia tom·anio bakko ra·eahani gimin Cabinet Minister Marcuise N Marak-ko mittelpilangenba, Krismasna nitobee light-rangko teng·atahani gimin aro ia nambegipa ‘Neng·takram’ biapko rikahani gimin mittelpilaniko parakangaha.
Meghalaya a·doko nosto ong·e dongenggipa police-rangni dingtang dingtang nokrangko taridapna gita Police Infrastructure and Renovation Scheme-ko ra·gate on·ahani gimin ua dingtangmancha a·dokni Chief Minister Conrad K Sangma-koba mittelpilangaha. Krismasni miksonganiko aganangengon, ian nokrangko nitoatani, saksa sakgipinna boksis on·grikani, cake-rangko cha·ani aro jinma cha·rim ringrimanikosan miksonga ong·ja indiba ian nokdangni manderang baksa, an·tangtangni ka·sagiminrang baksa somoiko re·ataniba ong·a ine Marak aganaha.
Ia tom·anio, a·dokni Cabinet Minister aro Williamnagar-ni MLA Marcuise N Marak-ba jinmana aganprakengon, Williamnagar-o iandake neng·takram aro Krismasna teng·atanirangko taridilahani gimin East Garo Hills a·jani SP Stephen A Rynjah aro uni dolko mittelpilangaha.
Niam retirangko rakkiasan ong·aigija manderangni gisepo ka·dongani aro meli nangrimani baksa chel·chakaniko on·na gita an·tangtangko on·kange kamrangko ka·engani gimin Marak, police sakantikoba mittelpilangaha.
Ia program-ko ong·atanio, Holyfield R Marak aro Mibande Ch Marak, gitrangko ring·anichi dingtangmancha Krismas manianiko ga·subatataha.
Program matchotani ja·man, Krismasna tarigimin light-rangko Cabinet Minister Marcuise N Marak-ni jakchi teng·ate on·angaha.
Na·simang iakoba nina man·gen:
Na·simang iakoba poraina man·gen: USTM Greater Killing-o Pre-Christmas-ko manie manderang baksa bakrimaniko bilakbatata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
