Agartala,June 11: Tripura a•donkni Welfare Minister, Bikash Debbarma 12 tarikko ong•atangna sienggipa bandh-ni gimin kobor ra•timgiparangna talatanagaha.
Kanal-o ong•atnasienggipa bandh-ni gimin golpona chinga da•al salni bakko Conference Hall No. 3-o chanchirimaniko dakna tom•aniko ong•atangaha aro ia tom•aniara namen gamchatgipa ong•aha. Ia tom•anio Tribal Welfare Department-ni Secretary Shashi Kumar, Home Secretary, IGP, gipin a•gipi official-rang baksana dilgiparang, Parimal Debbarma aro Alendra Debbarma bak ra•angaha, ine Bikash aganangaha.
Ia tom•anio chinga bandh-ko ong•atenggipa a•selrangni gimin name chanchianirangko dakangaha, indake Organizer-rang ba bandh-ko ong•atengipa dolrang, ia bandh-ko dontongatgen, ine anga ka•dongsoenga, ine ua aganangenba, gimik neng•nikanirangko golpoachi namatna man•a, ineba aganangaha.
Skango Tripura-ni dingtang dingtang bakrango manderang jerangan silchidarerangko ra•e jingjengatgiparang, uamangni neng•nikanirangko golpogrikani ja•man tom•tom noktangtangchi re•angpilaia, ine Debbarma agnangenba, da•o salgro salaram jolni bang•batan biaprango tom•tomaniko man•enga aro iana chinga a•songni Prime Minister Narendra Modi-ko mitela, ine ua aganangaha.
Unbaksana anga Tripura a•doko, tom•tomaniko rakkina aro a•dokko namroro silroroatna dongtonggija kam ka•anina, an•chingni mingsinggipa Chief Minister, Professor Dr. Manik Saha-koba mitelna namnika, ine ua mitlangenba, a•dokko namroro silroroaniko ra•banagita tom•tomani dongna nangchongmota, ine ua saksa be•be ra•gipa ong•a, ineba ua agandapangaha.
Chinga Tripura a•dokko, tom•tomgipa, songsul noksul apsan nangrime dongipa aro namroro silrorogipa a•dok ong•atnaska, ine ua agnangenba adita dolrang chingna uamangni dingtang dingtang nang•nikanirangko chu•sokatchina mol•molangaha bang•arangko chinga chu•sokata, aditakode chinga da•o nirokenba kam rangko ka•chakatgen, ine ua agnangaha.
Batanggimin salarango, Tripura a•doko an•chi pari aro tom•tomgijanirangko nikna gita man•angaha. Da•o chinga ia dakgipa salsrangko chagrongna siktaija, ine Debbarma, aganagenba chingni daitode a•dokko tom•tomaniko rakkina aro namroro silroratnagita ong•a, ine ua agnangaha.
Delhi-o peace talk ba tom•tomaniko rakkina golpogrikangani somoio, tangka kror 250 -ko man•baahachim aro iani bidingo pilak u•ia ine ua agnanageba, ia tangakarangko, chinga manderangna namgniko ra•bana, ringna namgipa chirangko sale on•na aro a•dokni tribal manderangna janggitanganio namdapaniko ra•bana gipin dingtang dingtang kamrangna jakkalanggen, ine ua aganangaha.
Ia pilak project-rangko sorkarini gita kamrangko ka•angen, jedakkode iani namgniko je manderangna man•ata kamrangko ka•engachim, uarangnan man•atnagita man•gen, ine ua agandapangaha.
Na·simang iakoba nina man·gen:
Na·simang iakoba poraina man·gen: Dadenggre-o bijolini kamko MePDCL jako ra·pilchina dabie re·jomaniko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
