Shillong, March 31: Songo-noko sorkari rikanirangko bilakbatata baksana songrango aro autonomous council jolrango manderangna nangchongmotgipa cholrangko on·aniko namdapatna ine, Meghalaya a·dok ma·mong sorkarioniko Fifteenth Finance Commission (XV FC) grants-ni ning·o kror ₹49.2 tangkarangko man·aha.
Union sorkari, FY 2025-26-o Telangana, Rajasthan, Maharashtra, Uttarakhand, Mizoram aro Meghalaya a·dokrango donggipa Panchayati Raj Institution-rangna (PRI-rang)/Rural Local Body-rangna (RLB-rang) Fifteenth Finance Commission Tied and Untied Grants-ko chammaha aro on·ataha. Ia grant-rang songo-noko sorkari rikanirangko bilakbatatgen aro PRI-rango biapni nangani kri silroro-namroroanirangko ra·bana cholrangko on·gen.
Ma·mong sorkarioni parakatani gitade, Meghalaya a·dokna untied grants-ni gnigipa installment-o kror ₹27 tangkarangko on·ataha jekon dolgittam Autonomous District Council-rang (ADC-rang) – Khasi, Garo aro Jaintia – joltangtango nangenggipa silroro-namroroani kamrangna jakkalanggen.
Una agreba, dam 816 seokgimin, aro mitamrang ADC-ni ning·ao ong·gipa village council-rango, nangchongmotgipa cholrang jekai rongtal-an·talani, jabolrangko namedake galani, aro ringani chi-rangko man·anirangna dakchakna ine kror ₹22.20 tangkarangko tied grants dakeba on·ataha.
Ia tangkarangara Union sorkarini a·dok dam-dokrangna on·atgipa kror ₹1,500 tangkarangni bak ong·a indiba Meghalaya-na tikatgipara dingtangmanchagipa jatni dakbewalo pangchake dakbaenggipa songo-noko sasonrangko ka·ani cholrangko bilakatna ine ong·a.
Untied grants-ara Niam Bidikni ning·ani Eleventh Schedule-o janapgimin dingtang dingtang sector-rangko ra·e kam ka·na songo-noko donggipa dolrangna bilrangko on·a, aro tied grants-ara nangchongmotgipa kamrang jekai Open Defecation Free (ODF) status, solid and liquid waste management, aro chi-rangko salanirangni bidingo ong·a.
Ia tangkarangko on·atanichi, a·doko, mongsongbate songrang aro tribal jolrang, jeon Autonomous District Council-rang aro village council-rang mongsonggipa kamrangko ka·engachim, uandakgipa biaprango sason ka·anirangko bilakbatatna man·gen ine ka·dongsoenga.
Ia grant-rangko on·atchina Panchayati Raj aro Jal Shakti Ministry-rang didiaha aro uko Ministry of Finance-oni on·ataha.
Na·simang iakoba nina man·gen:
Na·simang iakoba poraina man·gen: Early Childhood Development-ko mangrakbatatna Mission 1000 Days-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
