Sivasagar, Jul 27: Assam a·dokni Sivasagar songjinmao, jimbee mikka waani a·sel chi ban re·anichi sak lak bri mangni gita nangchakeako man·aha aro sak kolatchi siaha aro sak sni gimagimin manderangko am·sandianiko dakenga.
Ia a·sel ong·anio bang·bate nangchakeako man·gipa Santak songo songdonggipa manderang, an·tangtangni bosturang ba mal mata gimikkon gimaatna nangao ga·akaha aro uamang rama soroksamrango dongchakna nangengaha ine koborko man·soaha.
Ia a·sel ong·anio pilakkon gimaatna nanggenchimoba, cha·a ringani, ganna chinnani aro samrangko NGO-rang aro gipin a·dokni manderang dakchakaniko on·enga indiba Administration-oni maming dakchakanikoba man·sokuja ine bilsi 22 ong·kuenggipa Mohini Mullick matnangataha.
Ia obostao nosto ong·atako man·giminko taripiltaina aro rikpiltaina bilsi 15 mangni gita somoiko nanggnok ine sakgipin mandeba duk ong·an baksa janapataha.
Deputy Commissioner Mridul Yadav kobor ra·timgiparangna aganengon, bilsi 50-ni gisepo chi ban re·giparangni gisepo ian nambatgijagipa chi ban re·ani ong·a aro ia chi ban re·anio a·dokni Nazira aro Sivasagar Constituency ning·o ga·akgipa dam 301 songrangko chi mripaha aro sak lak bri mangni gita nangchakeako man·aha unbaksana sak kolatchi manderangni janggi gimaatako man·aha. Iani gisepon sak sni gimaenggipa manderangko, naljokatgipa dol State Disaster Response Force (SDRF) aro National Disaster Response Force (NDRF) am·sandianiko dakenga ine aganan baksa, SDRF dolni bol 60 ringrang aro NDRF dolni bol 62 ringrangko jakkale uamang sak 2,000 mangni gita manderangko jokatna man·aha ine agandapaha.
Ia a·sel ong·anio nangchakea man·gipa nokdangrangko dongchakatna gita dam 50 batpile relief camp-rangko aro distribution centre-rangko rikaha aro adita nangchongmotgipa bosturangkoba uamangna sokatna jotton ka·enga.
Unbaksana, nokdangantina Chief Minister’s Special Family Kit-ko sokatna Administration jotton ka·enga, 10,000kg mangni gita cha·anirangko a·selo ga·akgipa songrangna Helicopter gita galonangaha ineba parakataha.
Una agreba, dol 38 sanna bannaniko on·enggipa dolrangba, sanna bannaniko on·a relief camp-rangona re·angaha ine nikna man·a.
Na·simang iakoba nina man·gen:
Na·simang iakoba poraina man·gen: Tura-o ‘Artist Society’ chadamberangni re·jomaniko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
