Guwahati, Jun 27: Assam a•dokni Sivasagar a•jao donggipa Oil & Natural Gas Corporation (ONGC)-ni Rudrasagar field-o re•anggipa June 12 tarikoni gas joke donggipako sal 16-ni ja•man mittipna man•aha.
Iani bidingo Union Petroleum Minister Hardeep Singh Puri, ‘X’ social media-o jinmana u•iatengon, “Rudrasagar field-ni Well no. RDS-147A-o gas joke dongenggipako ONGC, Sukrobar pring 11:15 bajio mittipna man•aha aro iako mittipanio, nambatsranggipa kamrangko ja•rike bakkandikbegipa somoion chu•sokna man•aha,” ine parakataha.
Ia kamko USA a•songo donggipa CUDD Pressure-oni re•bagipa international well control expert-rangni dakchakanichi chu•sokatna man•aha.
Ia gas jokako mittipna, ONGC-ni Crisis Management Team, salang walang, maming saknaani ba mata bu•ako man•ani gri rakbee kamrangko ka•aha aro sal 16-ni ja•man ia kamko chu•sokatna man•aha.
Re•anggipa June-ni 12 tariko, pangna dakrongbewal gita ONGC-ni well-rangko rongtalatengmiting somoio gas-rangni joke dongako nikchengaha aro iani ja•man ia karkanani sambao donggipa songni manderangko Bangaon-ona apjitatenba, relief camp-rango donataha. Ia relief camp-rango done ia manderangna, cha•ani ringani aro pilak nanga dakchakanirangko on•skaaha.
Indake ong•engon, ia kamko chu•sokgipa ong•atna dakchakanirangko on•ahani gimin Union Minister Puri, Assam-ni Chief Minister Himanta Biswa Sarma aro sorkari official-rangko mittelpilangaha.
Apsan daken Assam-ni CM Sarma-ba Union Minister Hardeep Singh Puri-ko mittelpilangskaaha.
Na·simang ia video-koba nina man·gen:
Na·simang iakoba poraina man·gen: Assam-Megh sima ari-o tom·tomaniko rakkichina Tynsong West Jaintia Hills Admin-ko ge·eta
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
