Guwahati, Jan 6: Bulli Bai app-ko tarigipa Neeraj Bishnoi-ko Delhi-ni police-rang Bristibar salo, Assam a·dokni Jorhat a·jaoniko rim·aha.
Bilsi 21 ong·gipa Neeraj Bishnoi, Bhopal a·doko donggipa Vellore Institute of Technology-ni chatro ong·achim aro ua Assam a·dokni Digambar Jorhat-oni ong·achim.
Bishnoi baksana police-rang, uni app-ko tarigipa ostrokoba uni nokoniko ra·angaha.
Iana skangba ia apsan obostani giminan Mumbai-ni police-rang, bilsi 18 ong·gipa Shweta Singh-ko man•chape sakgittam manderangko rim·ahachim.
Jorhat-ni SP Ankur Jain-ni u·iatani gitade, Delhi-ni police-rang, Assam-ona re·baani ja·man Assam police-rangni dakchakanichi Neeraj Bishnoi-ko rim·na man·aha.
Ia manderang, Bulli Bai app-chi me·chikrangni kosako kragija kamrangko ka·ahani gimin police-rang rim·aha.
Iana skang, bilsi 21 ong·gipa Mayank Rawal-koba police-rang Uttarakhand-oniko rim·aha aro bilsi 21 ong·gipa Vishal Kumar Jha-koba Sombar salo Bengaluru-oniko rim·aha ine kobor on·aha.
Ia ‘Bulli Bai’ app-o ia manderang, ritchani ritcha Muslim me·chikrangko dakkie palna gita ia me·chikrangni permission gri noksarangko donatahachim.
