Guwahati, May 05 : Assam Pradesh Congress Committee-ni President Gaurav Gogoi, Assam Assembly election-ni result-ko on∙ani ja∙man Guwahati-o kobor ra·timgiparang baksa agangrikaniko dakangaha.

Ua, Bharatiya Janata Party (BJP)-ko election-o bang·a seat-rango cheaniko man·anina nama skaniko on·atengon, manderang da∙o gital sorkariko mongsonggipa neng·nikanirang jekai Artificial flood ba mandeni ong·atgipa chi ban re·ani baksana manderangni minggipin neng·nikanirangko namata ka·dongsoenga ine aganaha.

Gogoi, Indian National Congress ka·dongsoa gita bang·a seat-rangko man∙jaha ine ku·rachakengon, gisiko an·tangni suk ong·gijanikoba parakataha. Uamangni party aro uamangni chanchibewalanirangko namatna uamang campaign ka·ani somoio on·gipa ku·pattianirangko name nipilaniko dakanggen ine Gogoi aganangaha.

Assam Assembly election-o chejani gisepon, Congress bilakgipa aro daitoko ra·e kamko ka·gipa opposition ong∙gen ine ua u·iataha. Sorkarina namgipa ku·pattianirang baksana uamangni dol constitution, jakgitele sason ka·ani aro manderangni bilrangko naljoke rakkina kamrangko ka·anggen ineba ua agandapangkuaha.

Congress, manderang baksa ong∙angkuan baksana nangchongmotgipa neng·nikani bidingo ku·rangko on·gen aro namroro silroroaniko ra·bana dakchakaniko on·gen ine ua ka·dongataniko on·angaha. Una agreba ua, party worker-rangko bilake dongchina aro nama chanchibewalaniko dakchinaba ua didiataha.

Gogoi, election-ni bidingo candidate-rang baksa nipilaniko dakna Guwahati-o tom·bimonganiko ong·atgen ine parakataha.

Ia chanchirimanio dingtang dingtang katta bichongrang jekai sorkarini kamko nirokgipa, EVM-rang, official-rangni kamrang baksana election-ni somoio niamrangko name ja·rikama ja·rikja uarangkoba man·chape chanchirimaniko dakanggen.

Campaign-ni gimin aganengon ua, Congress “gital Assam”-na niksamsoaniko jinmana u·iatangaha aro da∙o opposition-o dongoba uamang iakon ja·rikangkugen ineba aganangaha.

Ua Jorhat-ni manderangko una chakpaaniko on·ahanina de·mitelatengon, Lok Sabha election-o Congress chu·sokaniko man∙genchimoba, Assam Assembly election-o indakgipa chu·sokaniko man∙sksjaha ine ua janapataha. Uamangni party kamrang, cholon bewalrang aro bimangko uamang namdapatna nangenga ineba ua ku·rachake ra·angaha.

Iani gisepon, Congress sorkarini kamrangko name nirokaniko dakan baksana neng·nikanirang jekai sason ka·ani namja ong·ode, tangka cha·a ba official-rangni maiba dakgualanirang dongode uamang ku·rangko on·gen ine ua aganangaha.

Bon·kamao, Gogoi election-ko ong·atani badiaba bakrango kakket ong·gijani aro donuanirang dongani gimin jajrenganiko parakatengon, party ge·sachi sason ka·ani namgijani bidingoba ua mikrakatanikoba on·ataha. Ua, Rahul Gandhi-ni jakgitele sason ka·ani aro manderangni bilrangko naljoke rakkina niksamsoanina chakpaaniko on·angpaaha.

Na·simang iakoba nina man·gen:

Na·simang iakoba poraina man·gen: BJP-chi dilenggipa NDA, Assam-o gittamgipa changna sorkariko rikgen

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub