Shillong, Feb 5: Re•baenggipa February 21 tariko ong•atenggipa Khasi Hills Autonomous District Council (KHADC) aro Jaintia Hills Autonomous District Council (JHADC) election-na United Democratic Party (UDP)-ni tarigimin manifesto ba miksonganirangko Budbar salo oprake on•angaha aro ia manifesto-ko oprakanio a•dokni Cabinet Minister Paul Lyngdoh, KHADC-ni gitcham CEM Titosstarwell Chyne, general secretary Jemino Mawthoh, MLA-MDC-rang aro gipin dilgiparangba dongpaaha.

KHADC aro JHADC election-o chegipa ong•e, Executive Committee-ko chalaina man•genchimode, skanggipa Indian Constitution-ni Sixth Schedule-ko bilakatatna aro be•enni gita cholgri ong•gipa manderangna 3 percent job reservation-ko on•na kam ka•gen ine ia manifesto-o UDP ku•rachakaniko on•angaha.
Meghalaya a•dokni dingtang dingtang biaprango rong•mesak bikotna jotton ka•aniko jegalna aro uniform civil code (UCC) ra•gataniko jegalna gitaba ia manifesto-o UDP ku•rachakaniko on•angaha.
Ia district council election-o UDP, gimik sak 40 candidate-rangko susaatenga aro ianoni sak 23-kode KHADC-o aro sak 16-kode JHADC-o susaatenga.
Election-na tarigimin manifesto-ko oprakatani ja•man kobor ra•timgipa manderang baksa agangrikengon, KHADC aro JHADC election-o cheenba, gital Executive Committee-ko chalaina man•genchimode ia pilak ku•rachakanirangko chu•sokatna rake kamko ka•gen ine parakataha.
Na·simang ia video-koba nina man·gen:
Na·simang iakoba poraina man·gen: National Games-o medal chegipa chadambena sorkarini kamko on•gen: CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub