Tura, Dec 19: Garo Hills Autonomous District Council Sub-Committee, West Garo Hills a·jani Deputy Commissioner-ni dringo memberrangni dongpaanio tom·bimonganiko ong·ataha aro ia tom·aniko Deputy Commissioner Vibhor Agarwal dilangaha.
Ia tom·anio, GHADC-ni ning·o kam ka·enggiparangni man·a nangkuenggipa jagnini dormahako Sukrobar saloni a·dok sorkari watatna a·bachengataha ine parakataha.
Ia dormahako, Christmas-ni somoio korosrangko nangnikaniko ma·sichake GHADC Sub-Committe-ni gita on·aha.
Batanggimin somoio, Skotong Minister Conrad K Sangma-ni ku·rachakgimin gitan, GHADC-ni ning·o kam ka·enggiparang aro MDC-rang uamangni dormahako somoi gitan man·soaha.
Indake, gitcham MDC-rangni pension-rangko on·anian Sub-Committe-ni dal·bea parakatani ong·a.
Kobor ra·timgiparang baksa agangrikengon, a·dok sorkariko mongsongbate Skotong Minister Conrad K Sangma-ko uamangni man·a nangkuenggipa jagnini dormaharangko Christmas-na skang on·ahanina GHADC-o kam ka·giparang mitelpilskaangaha.
Ia dormahako man·aniara uamangna aro uamangni nokdangna namen dakchakbeani ong·a aro uamang Christmas-ni somoio adita tangka paisani gita neng·nikaniko komiatgnok aro batanggimin bilsirango gita ong·gija uamang ia bilsio Christmas salko kusi ong·en manina man·gnok ine aganan baksa a·dok sorkariko uamang mitelpilskaangaha.
Na·simang iakoba nina man·gen:
Na·simang iakoba poraina man·gen: GHADC-na sorkarini songe on·gipa sub-committee DC baksa tom·e chanchirimanirangko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
