Tura, Dec 19: Garo Hills Autonomous District Council-ni (GHADC) neng·nikanirangko namatna ine a·dok sorkarini songe on·gipa Sub-Committee Sukrobar salo West Garo Hills-ni Deputy Commissioner Vibhor Aggarwal, IAS-ni dringo tom·e adita chanchirimanirangko dakangaha. Iani gisepon uamang District Council-ko nambate chalaina nangchongmotgipa rai-rangko ra·angaha aro tom·ani matchoton, Sub Committee-ni member saksa, Charming N. Sangma, uarangni bidingo kobor ra·timgiparangna parakataha.
Ia chanchirimanirangko mongsonggipa agangrikanirangde District Council-o kam ka·giparangni dormahara-rangni gimin ong·aha ine Sangma talate on·aha. “An·ching gisik ra·atpilna man·gen, GHADC, bilsi 4-ni dormaharangko uni ning·o kam ka·giparangna aro sak 30 MDC-rangna on·na man·jaengmiting somoio, District Council-o kam ka·giparang jegalanirangko dake dormaharangko dabiaha, aro adita MDC-rang mongsongbate ruling-o ong·gijagiparang, public-rang, NGO-rang aro mondolini dilgiparangba iano bakrimaha. Iano MDC-rang aro Council-o kam ka·giparangsan ong·aigija dingtang dingtang dolrangba aro A·chik a·songni manderangba namen duk man·aha, aro uamang ja·sku dipane Isolchiko nidoaha aro Uno mol·molaha,” ine ua aganangaha.
Uandake, uamangni dondikgija bi·anichi Isol uamangko knachakaha ine ua agane, a·gilsakni gitade, manderang ia neng·nikaniko namatna a·dok sorkariko mol·molaha, indiba, District Council-de autonomous sorkari ong·a ine neng·nikaniko janapskaengachim, indiba manderangni bianiko Isol knachakaha aro a·dok sorkari District Council-o dormaha man·gija neng·nikenggiparangna dakchakna ja·ku ga·aha aro NGEA-ni manderangni obostarangko namatna sorkari ku·rakchakaha ine ua agandapaha.
“Indake ong·genchimoba, man·na nanggipa ja-rangni dormaharangkosa man·na nanggen ine maikai ia tangka-paisarangko jakkalaniko badiaba dolko nitimatna mangen·chim ong·ode nambatgen ine sub-comitteeko done aro dingtanggipa escrow account-ko kuliate uano tangkarangko chipate District Council-ni dingtang dingtang department ge-24ni dormaharangko tarina, uamang salang-walang kam ka·aha aro indaken ja 12ni dormaharangko uamang somoi gitan man·aha. Uni ja·mano ia bilsini November ja aro December janikoba ia Christmasna skangan uamang man·aha,”ine Sangma talatangaha.
Una agreba, skangni dongrikrikbaenggipa pending ba backlog dormaharangkoba, chong·motan 2003 bilsini February aro March jagninikoba a·dok sorkari kam ka·giparangni escrow account-ona chipataha aro Krismasna skangan uamang iakoba man·gen ineba parakataha. Ian dal·bea dakchakani ong·aha ine Sangma a·dokni skotong minister Conrad K sangmani redilenggipa sorkarini ja·ku ga·anichi ong·aha ine mitele, skotong minister-na Krismas-ni namgipa skaniko on·angaha.
Apsandake, ua GHADC-o kam ka·giparang an·tangtangni dormaharangko man·e an·tangtangni neng·nikanirangko namatna man·enggipa sakantina aro MDC sak 30-na sub comitteeni gita namgipa skanirangko on·ataha.
District Council-o sason ka·aniko, tangka jakkalaniko, kamo rakkianiko aro dingtang dingtang kamrangna niamko see-jote ja·rikna nanganirangkoba ua janapangaha. Iarangara Sub-Committee-ni kam ka·anichi ja·kuko de·na nanggipa ong·ani gimin iarangni bidingoba Sub-Committee- administrative reforms, beneficiary forms aro gipin reforms-naba ja·ku ga·engaha aro mikkangchi ia namdapatanirangko, District Council-ko namdapatna aro niamrangko ja·rikna gita re·mikkangna public sakantini bakrimanikoba nanggen ine ua aganangaha. Ua exectuve comiitteekoba mitelaha, maina uamang a·dok sorkarini miksonganirangko ra·chakjagenchimode, ba a·dok sorkarini uamangna dormaharangna on·soenggipa tangka-paisarangkoba uamang ra·chakjagenchimode namjabatgipa obostarangko chagrongnaba gnangchim. Indiba Executive committeeba uarangko ra·chakaha, aro oppositiononi gipin MDC-rangba iarangni bidingo che·em che·em agangrike, uarangko ra·chakaha aro mamung champenganiko dakgija iarangko chu·sokatna man·ahani gimin uamang sakantikoba mitelangaha.
Pension man·kugijagipa gitcham MDC-rangba Escrow account gita uamangni man·gnirangko ra·chaksoaha ine ua Sub-Committee-ni palo kusi ong·bee u·iataha aro ia Krismas-ni somoio sakanti MDCrangna, District Council-o kam ka·giparangna aro pilak bakrimgipa dolrangna Sub-comitteeni nama skaniko on·ataha. Pil·taie ua a·dokni Skotong Minister Conrad K Sangma-koba manderangni neng·nike kosto chakmitingo ia dakchakaniko on·anina mitelangaha.
Na·simang iakoba nina man·gen:
Na·simang iakoba poraina man·gen: Meghalaya-ni BJP Office a·palo Congress dol jegalaniko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
