Guwahati, May 13: Manipur-ni Kangpokpi a∙jani Kotlen aro Kotzim jolrangni gisepo toromni dilgiparangko chadrape so∙otaniko Budbar salo Manipur-ni Skotong Minister Y. Khemchand Singh raken jegalangaha aro ian a∙doko tom∙tomaniko ra∙bana ja∙ku de∙aniko so∙sojengjeng ong∙atna ine bobil dake chakatgipa dolrangni ka∙namgijagipa kam ong∙a ine ua aganangaha.

Silchidarerangko ra∙bitgipa bobil dake chakatgipa dolrang a∙doko songdonggipa manderangni kosako slairangko goenba sakgittam manderangko siaona sokataha aro sakbri manderang saknaako man∙aha ine skotong minister parakataha. Uandake saknaako man∙gipa sakgittam manderangko sanna-bananiko dakna Imphal-ni Shija Hospitals and Research Institute-ona rimangaha aro pilak korosrangko sorkarian on∙anggen ina ua aganangaha.

“Ia ka∙namgijagipa kamara namen gisikko jingjengata aro obostao ga∙akenggipa nokdangni manderangnasan dukniko on∙aija indiba an∙chingni tom∙tomaniona ja∙ku de∙aniko champenganichi a∙dok gimiknan neng∙nikaniko on∙a” ine ua aganenba, gisik gnanggipa songsalo bobil dake chakatani aro dos grigipa manderangko orto gri saknaatanirangna biap dongja ine aganangaha.

Uandake, ua songsalni pilak manderangko tom∙tomaniko rakkichina aro obostarang namjabatroroaona sokjana gita jatko basee manderangko rim∙srukanirang, ra∙seke ra∙anirang ba ka∙mikkenatanirangko dakjachina didiangaha. Una agreba, dos dakgipa manderangko kakket bichalona ra∙bana a∙dok sorkari pilak cholrangko ra∙e kam ka∙anggen ine ua manderangna ku∙chake on∙angaha.

Manipur-ni Governor Ajay Kumar Bhalla-ba ia obostako jegalenba, tom∙tomaniko aro meli-nangrimaniko ra∙bana kam ka∙enggipa dos grigipa toromni dilgiparangni janggi galanina an∙tangni duk ong∙aniko parakatangaha. Uandake, duko ga∙akenggipa nokdangni manderangna ua an∙tangni kalimaniko parakatenba, saknaaniko man∙gipa manderangni ta∙rake an∙sengpilanina Nokgipao bi∙angaha aro tom∙tomaniko rakkichina, kajia-golmalrangko ong∙atjachina, aro a∙doko tom∙tomaniko ra∙bapilna kam ka∙china songdonggipa manderangna didianiko on∙angaha.

Bobil dake chakatgipa dolrangni manderangko chadrape goe galanio toromni dilgiparang janggiko galaha aro uamangoni saksade a∙doko tom∙tomaniko ra∙bana ja∙ku de∙enggipa Manipur Baptist Convention-ni (MBC) gitcham general secretary Rev. Dr Vumthang Silthou ong∙a.

United Naga Council (UNC), Nagaland Joint Christian Forum (NJCF), aro Kuki dolrangba ia so∙otaniragko raken jegalangaha aro ian ka∙namgijagipa aro namen dukniko on∙gipa obosta ong∙a ine aganangaha.

So∙otako man∙gipa manderangni janggitangtangko on∙kanganichi an∙chi-pari nikaniara janggirangko ra∙angasan ong∙aija indiba namgipa ramaona re∙bapilna krengenggipa manderangni ka∙donganiko gimaataniba ong∙a ine gisik ra∙ataniko on∙aha ine Nagaland Joint Christian Forum parakatangaha aro Kuki, Naga aro pilak jatrangko an∙chi-pari nikanirangko jegale tom∙tomaniko ra∙bana ja∙ku de∙china didiangaha.

Sastroni kattarangko janape uamang duko ga∙akenggipa nokdangni manderangna ka∙dimeani aro bilakaniko on∙chinaba Nokgipa bi∙chakangaha.

Ia obosta ong∙ani adita kontarang ja∙mano, a∙jak sokna ine Konsakhul songo sak 20mang Naga manderangko Leilon Kuki songni manderang rim∙srukangaha ine koborrangko man∙anina UNC-ni membor-rang jajrenganiko parakataha.

Dos grigipa songni manderangko rim∙sruke donaniara namgipa songsalni niamrangko pe∙ani ong∙a inenba uamangko gong∙rake watchina council-ni membor-rang dabiangaha.

Iandake chadrapaniko ZUF-Kamson dol aro songni volunteer-rang dakangaha ine Kuki Inpi Manipur-ni manderang aganangaha aro mondolini dos grigipa dilgiparangko aro manderangko chadrapaniara namen ka∙namgijagipa kam ong∙a ine janapangaha.

Adita salarangna skang Kuki-Zo aro Tangkhul jatrangni gisepo meli-nangrimaniko ra∙bana ine Kohima-o Nagaland Joint Christian Forum-ni ong∙atanggipa tom∙bimonganio Rev. Silthou bak ra∙angaha ineba uamang aganangaha.

Nagaland-ni skotong minister Neiphiu Rio-ba ia so∙otanirangko raken jegalangaha. Kuki Students’ Organisation Delhi & NCR mombati-rangko so∙e sianggipa mondolini dilgiparangna gilja ka∙anirangko dakanggen ine parakatangaha aro dos dakgiparangko kakket bichalona ra∙bana nanga ine parakatangaha.

Ia so∙otanirangchi Manipur-ni a∙brini a∙jarangko kajia-golmalrang a∙bachengtaiengaha ine Salgro-Salaram gimikon so∙sojengjeng ong∙anirangko nikna man∙aha.

Na·simang iakoba nina man·gen:

Na·simang iakoba poraina man·gen: M’laya-ni saksni MLA-rang Bengaluru ong∙atgipa national leadership programme-o bak ra∙anga

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub