Shillong, May 13: Meghalaya-oni saksni MLA-rang May 10-oni 12 tarikona, Azim Premji University, Bengaluru-o ong∙atanggipa State Legislators Leadership Programme-o bak ra∙angaha, jeon uamangna sorkariko rikani bewalrang, niam-retirang, tangka-paisarang, artificial intelligence, skia-pora, aro chadamberangko bil gnangatani bidingo skie ra∙anirangko dakangaha. U∙i-ma∙sigipa manderangni skie on∙anirangchi aro niamrangni bidingo chanchirimanirangko dakanichi legislator-rangni changa-sapanirangko bilakbatatna ine ia programme-ko Azim Premji University aro PRS Legislative Research nangrime ong∙atangaha.
Meghalaya a∙dokoni Deputy Speaker Limison D. Sangma aro MLA-rang- Mayralborn Syiem, Celestine Lyngdoh, Ronnie V. Lyngdoh, Gabriel Wahlang, Ollan Sing Suin, aro Matthew Beyondstar Kurbah ia programme-ona re∙anga bak ra∙eaha.
Ia programme-o dingtang dingtang session-rangko ong∙atangaha jekai legislation-ko chalaiani, public finance-ko jakkalani, sanna-banani, skia-porani gadangko namdapatani, aro sorkariko chalaiani neng∙nikanirangni gimin agangrikanirang. Una agreba, dingtang dingtang sector-rang jekai sanna-banani, tangka-paisarangko jakkalani aro songdonggipa manderangna cholrangko on∙anirango Artificial Intelligence-ko jakkalanirang baksana chadamberangna janggi tangani cholrangko on∙ani, changa-sapanirangko skianirang aro digital communication-o kam ka∙ani bewalrangni giminba chanchirimanirangko dakangaha.
Ia programme-ko ong∙atanichi niam tariani bewalrang, sorkariko rikani cholrang aro dilgiparangni dakna nanggnirangko seokgimin dilgiparangna agan-skie on∙e, sorkari rikanirangko aro constituency-rango namedake kamrangko chalaianirangko namdapatna krengenga.
Uandake, ia programme-ko ong∙atanichi niamrangko tariani aro sorkariko name chalaiani bidingo dingtang dingtang a∙dokrangni legislator-rangko saksa sakgipinoniko skie ra∙na didianiko on∙angaha ineba programme-ko ong∙atgiparang aganangaha.
Na·simang iakoba nina man·gen:
Na·simang iakoba poraina man·gen: Manipur-ni Kangpokpi-o mondolini dilgiparangko sakgittam goe siata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
