Tura, Apr 2: Garo Students’ Union (GSU) East Zone-ni aganani gitade bang·a jolni ong·gijagipa kam ka·e cha·giparang aro bading chiwalgiparang Garo Hills-ko ra·gopengaha inenba Skotong Minister Conrad K. Sangma-ko ja·ku de·aniko dakchina u·iataha.

Bang·a a·palchini re·bagipa manderangsa jolni bazar anti cha·ram biaprangko bang·e bang·e chalairoroangengaha aro iani a·selan tribal manderangni bading chiwale cha·ani, chonchongipa kamrang ba salanti hajira ka·e cha·ani cholrangko komiatengaha ine union u·iataha.

Iani gisepon, bang·a man·gimin tangka paisarangko a·dokni a·palchi ra·angako man·engahani gimin ian jolo tangka paisa man·anikoba bilgriatenga ineba uamang mikrakataniko on·ataha.

An·chingo chu·onga gita sorkarini kamrang dongja baksana susana nanganirang batroroengahani gimin jolni manderang janggi tangna tangka paisa kamaianio neng·nikanirangko man·enga ine GSU u·iataha.

Union, a·dok sorkariko Meghalaya Residents Safety and Security Act (MRSSA)-ko name ja·rikchina u·iatan baksana gipin biaponi kam ka·na re·bagiparangko name nirokatchina aro bading chiwalani aro sorkarini project-rango jolni manderangna bang·bata cholrangko on·chinaba didiataha.

Indake ong·engon, ian a·paloni re·bagiparangni kosako ja·ku de·badeani ong·ja indiba jolo songdonggipa manderangni janggi tangani cholrangko mikkang niteagri naljokani niamkosa nangnike badienga ine  GSU agan-talataniko on·ataha.

Na·simang iakoba nina man·gen:

Na·simang iakoba poraina man·gen: Nagaland-ni Longkhum-o Conrad campaign ka•anga

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub