Shillong, May 19: Garo Students’ Union (GSU) dol, Meghalaya-ni Education Minister Rakkam A Sangma-ko poraianio tangka paisani gita neng·nikgipa chatro chatrirangna dakchakaniko on·a gita Tura Government College baksana a·doko donggipa gipin sorkarini aro private college-rango seat-rangko bariatchina didiataha.
GSU-ni President Tengsak Gabil Momin, mongsongbate Garo Hills-o Higher Secondary-o poraina gita dam komigipa skul ba college-rang komiani gimin jajrenganiko uni seatgipa chittio janapataha. Tura Government College-rango biapni kri tiktaksan ra·aiani a·sel, sak ritchani ritcha songadamoni re·bagipa aro tribal chatro chatrirangko admission ra·gnioniko champengatenba, uamangko poraianiko dontongatna draata ba private college-rango napenba tangka paisani gita neng·nikanirangko chagrongna nangaona sokata ineba ua janapataha.
Iandakgipa neng·nikanirangko olgrokatna miksongenba, Tengsak Momin, Arts, Science aro Commerce Stream-rango biaprangko bariatchina, class ra·chakani kuttirangko rikdapchina, bang·bate skigiparangko ra·an baksana BPL nokdangni bi·sarangna scholarship ba tangka gamna nanggija poraianirangko on·chinaba ua janapataha. Lekka pora skie ra·aniko darangnan mikkang nitea gri dakatanichi kangal cholgri chadamberangna dakchakaniko on·an baksana, chatro chatrirangni a·doktangko wate gipin biapo poraianiko champengatgen aro Meghalaya a·dokko dal·rorona dakchakgen ineba GSU aganangaha.
Na·simang ia video-koba nina man·gen:
Na·simang iakoba poraina man·gen: Iewduh-ko nambate tarina cr 15-ko koros ka•gen: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
