Shillong, Oct 1: Little Flower Higher Secondary School, Mawbri-ni Golden Jubilee-ko da·asalni bako maniengon, a·dokni skotong minister Conrad K. Sangma mongsonggipa sokgipa ong·e bak ra·angaha. “Darkness to Light” ine pangchakanio, poraia-skianio skulni bilsi 50-na dangdike on·aniko ia programme-o maniangaha.
Skulni bilsi sotbonga ga·tapanina aro skulko chalaigiparangni, skigiparangni, alumni-ni, aro Catholic mondoli-ni on·kange kam ka·anichi chasongni chasongna chatro-chatrirangna skianirangko dakanina a·dokni skotong minister mitele aganangaha. Skulrangko namdapatanina, private skulrangna dakchakanina, aro skigiparangko bilakbatatna dakchakanirangna sorkarini kam ka·anirangko ua janapaha. Uandake ia skulni gital building project-na Chief Minister’s Special Development Fund-oniko lak 25 tangkarangko a·bachengo on·gen ineba skotong minister parakataha.
Umroi Constituency-ni MLA Damanbait Lamare, dingtangmancha okamataniko man·e ia manianiona re·bae jinmana parakatengon, Ri Bhoi a·jana poraia-skiani aro namdapaniko on·anina skulko mitele, chatro-chatrirang aro skigiparangko nambataniko rikangkuchina didiaha.
Uandake, ia manianio Memorandum of Understanding-ko (MoU) poraiataniko dakaha, jeon skulko rikdapna, Science, Commerce aro Arts stream-rangko kulina, aro dingtang dingtang co-curricular aro gipin course-rangko a·bachengataniko janapaha. Ia MoU-o gital skul nokko rikna tangka-paisarangchi dakchakchina skotong ministerko mol·molaha.
Ia programme-o dingtang dingtang dakmesokanirang, gitcham chatro-chatrirangni agananirang, gitcham skigiparang aro namedake chu·sokanggimin chatro-chatrirangko mande ra·anirang, skulni souvenir-ko oprakani, aro Dr. Mistila Dkhar-ni segipa ki·tapko oprakaniko dakangaha. Jubilee Flag-ko ra·one, skul-ni gitko ring·e, Headmistress Rev. Sr. Anyiele Richa-ni mitelpilani kattarangko aganani aro gitalgipa klasroomrangko oprakanichi ia programme-ko matchotataha.
Ia manianiona chatro-chatrirang, gitcham chatro-chatrirang, skulo kam ka·giparang, ma·a-paarang aro songni nokni manderang re·bae bak ra·angaha.
Na·simang iakoba nina man·gen:
Na·simang iakoba poraina man·gen: Securities market participation-o M’laya-an komibatgipa a·dokrangoni damsa ong·enga: SEBI survey
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
