Shillong, Apr 17: Lumpongdeng chichangko nitodapatna manchigimin tourism project samtangtango donggipa ong•telaigiparangna kenchakna nanganina bateba apalbatani gimin sorkari uarangko name chanchina aro sorkarini a•ako ripingna aro indaka namroro-silroroaniko ra•baanio bipatangni manderangna namgni ong•na nangna ine BJP-ni mongsong agantimngipa Mariahom Kharkrang parakataha.
“Lumpongdeng chichangni bidingo dao•ororo jajaatanirangko ong•ataniara namen chanchina nanggipa ong·a aro samtangtango donggipa ong•telaigiparangna kenchakna nanganina bateba apalbata” Kharkrang janapaha.
“Environment-ni gita niaton, Umiam Lake-ara nitogipa biapsan ong·aija – uan Meghalaya-ni ecological aro dakbewalni ja.pang ong•a. Aro Lumpongdeng chichangara ecological zone-ni gita namen nangchakninggipa ong•a”
Tourism developmentkode da•o nangtelenga ine janapengon, je project ba sildap-namdapataniko ra•bana skangba samtangtango donggipa ong•telaianirangkoba sorkari nichengna nanga. Maiba namgijani ong•ode uan Megahalaya aro uni manderangko neng•nikatgen” ineba ua mikrakataha.
Bang•a tourism projectrangko ra•baanichi sorkarini a•arang bon•angrorengani giminba Kharkrang janapaha.
“Bang•bea tourism projectrang gnang aro uaranga sorkarini a•arangon ong•a jean sorkarini a•arang ta•raken bon•angenga ine miksonga, ian chanchina nangani ong•a” ua aganaha.
“Meghalao bang•bata mongsong a•arangan gipin manderangni ong•a. Dal•gipa tourism projectrangko uandakgipa a•a nokgiparang baksa melie kam ka•china chinga sorkariko mol•mola” ua agandapaha.
“Gipin manderangni chappaanichi sorkarini a•arang bon•rikrikja baksana Meghalayao songpanggipa manderangna tangka-paisa ba gipin man•dapanirangko on•gen. Sorkarini a•arangko gipin development projectrangna, jekai Power Project, donna nanga”
Employment-ni bidingo janapon local manderangko kamo rakkichina ua mangrakbataha.
A•palni Construction Companyrangko chinga pangnan rimchaksoa, an•ching uamangniko bang•en skie ra•rikna man•a. Indiba kam ka•giparangoni ritchaprakoni aditakode songdongkamgipa jatni manderangkon ra•na nanga” ua aganaha.
“Dal•dalgipa projectrang aro developmentrangko ra•baoba soingpanggipa manderangan mamingkon man•rikpajaode mai namgni? Kharjrang sing•doaha.
Local manderang ba dolrangnade registration fee-rangkoba komie ra•china Kharkrang sorkariko janapaha.
“Songpanggipa manderang uamangni a•ako business ba projectrangna jakkalna namnikgenchim. Rasonggrie, dam raka registration fee-rangko gamna nangani a•sel uamangni jumangrang chu•sokjaenga” ua aganaha.
“Registration fee gamna nanga bang•on dal•dalgipa business-rangsa amchakaia, ramram manderangde man•paja. Songpanggipa manderang dake cha•pachina fee-rangko komiatchina chinga sorkariko mol•mola. Indake dakanichi, Meghalaya-ni namroro-silroroaoniko manderang namgni man•pagen” janapanio agandapaha.
Na·simang iakoba nina man·gen:
Na·simang iakoba poraina man·gen: M’laya sorkari, English baksana Khasi aro A·chikku-ko official language ine ra·chakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
