Shillong, Apr 17: Polo-oni New Shillong jol aro ong·gnigipa Secretariat-o najokgipa 4 lane ramako tarina kam ong·enga, a·a nokgiparang aro bakman·pagiparang baksa chanchirimani matchotnasanjok, bang·gijasan dongaijok ine CM Conrad K Sangma u·iataha.
“Bang·a ramarangko da·omiting tarienga, mongsonggipa rama dilsara 4 lane ong·a jean Polo CRPF Camp dolong bademangmangaoni a·bachenge mitam buringjolko, Mylliem Forest Reserve-koba man·chapa aro Mawpat-ona kingking aro Secretariat-onaba sokea” ua aganaha.
Agency-rang aro a·a nokgiparang baksa ma·talgrike agangrikanirangko dakaha ineba Chief Minister janapaha.
“Dingtang dingtang gadangrango dingtang dingtang agency-rang aro manderang baksa agan-chanchirimaniko dakmanaha, a·a noikgiparang ong·chong, Hyma Mylliem ong·chong ba Golf Link-o donggipa police school baksaba,” ua janapaha.
“Indake, pilak dingtang dingtang dolrang aro manderang aro bakman·pagiparang baksa bang·a changrangna ma·talgrikaniko dakmanaha,” ua gandapaha.
Kam ka·ani bon·chotgipa gadangona sokengjok ineba Sangma aganaha.
“Gimikmingan chinga agan-chanchirimanaha. Ge·sa ge·gni dongkuengoba dal·gipa champenganirangde ong·ja, ma·sichakgrikaniona chinga bewalan sokjok, bon·chote che·em che·em dakgnirangko matchotatnasan nangaijok” ua aganaha.
New Shillong-ona re·a-doaniko name manchan namdapatgen ine ua kim·kimbate janapaha.
“Uan mongsong joragipa rama ong·gen aro agangimin gita uan 4 lane ong·gen, 2 lane ong·ja. Chinga ka·donga uan gital Secretariat aro New Shillong jolona najokna pilakni gitan dakchakani ong·gen,” Chief Minister aganaha.
Na·simang iakoba nina man·gen:
Na·simang iakoba poraina man·gen: Lumpongdeng project-ko nipiltaichina Meghalaya sorkariko BJP didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
